Luuka 7:8 - Musamu wu Mubwe

⁸ Mu toni ati, me mwakulu ndi hu tsina lituma li bakuutu ba me. Ka me kaka na masadaadu hutso lituma la me, na me undeele huli mumosi mu bo: “Yene!” — Na nde yeni. Na huli mukima: “Yanga!” — Na nde yidi. Huli muviha a me, me undele: “Sa bu!” — Na nde siidi.»

Luuka 7:8 ပူးပေါင်းရင်းမြစ်များ

Luuka 7:7

Ni mu buuna, me wu aveleyelemene pelinza me mwakulu mu uyamonehele na we. Ka leele dyambu limosi, na musalili a me sa abeeloho.

Luuka 7:9

Yisu ayuha mambu momaana, nde asilisi mukuutu masadaadu. Nde akinguhi huli konge yi yakaduukala nde, na aleeli: «Me ndeele benu, tso hu Isereli, me a hamoni imiinu hya pila moyi ve.»

Mavanga 23:17

Buuna Pahuli ateeli mumosi mu bakuutu ba masadaadu. Nde aleeli nde: «Bita mufudu mbahala mowunuwu, huli mukuutu balwani. Mu toni ati, nde na dyambu li uyabisa nde.»

Mavanga 23:23

Titswene mukuutu balwani ateeli boole mu bakuutu ba masadaadu. Nde aviidi bo tumili: «Tsonzehani makama moole (200) ma masadaadu, maku tsambu (70) ma ba baayaba unama babuuru, na makama moole (200) ma banga makongo. Vangamaani mu uyene hu musyenge a Sezare, tsitsaha moyi, mu nguunga yi matatu humbisa a busi uyila.

Mavanga 23:26

«Mutumi Felikisi nga mifwende, yaka mabwehe ma mamati huli me Koloode Lisyasi, mukuutu balwani.

Mavanga 23:31

Masadaadu makuhisi we bu baatumi mo. Bo baavoli Pahuli na baabiti nde butsuhu-butsuhu, hu musyenge a Antipati.

Mavanga 24:23

Nde atumi mukuutu masadaadu mu ukeelese Pahuli, na uva nde mwa bunyanga. Nde aviidi muswa huli bambaahi ba nde mu uva nde likumbasa.

Mavanga 25:26

Ka me a ndi na la tsiki mu usonehe huli nga tsi mu toni a Pahuli ve. Ni mu buuna, me tondi ti batsundasa nde ŋa busu bwa we, pfumu Agilipa. Me atsiidi buuna, mana me mbaha ma me utsonehe, humbisa a byuhu bya we.