Luuka 7:39 - Musamu wu Mubwe

³⁹ Mufarisi wu ateeli Yisu mu udya amono buuna, aleeli hutso mutima a nde: «Tso muutu mowunuwu beedi mumbihuli wa mbuli, kini nde kiyaba na li mukaasu wu mibembe nde, na mbiili a nde. Nde kiyaba ti mukaasu mowunuwu imbembo ali.»

Luuka 7:39 ပူးပေါင်းရင်းမြစ်များ

Luuka 12:17

Nde akabaatsima hutso mutima na ubaaleele: “Me ka buni utsa! Me a ndi na mbuha yinene mu uswehe mbutu a me yoosi ve.”

Luuka 15:2

Bafarisi na bangeele ba mikele baakaŋono, na baakaleele: «Muutu mowunuwu li mu uyaka banga masumu na nde li mu udya na bo.»

Luuka 16:3

Ikanga-koome atsimi hutso mutima a nde: “Pfumu a me ka mu umaasa me mu isalu. Me buni utsa? Me a ndi na mifudi mi myakuha musala tooto ve. Me tsamba na tsonyi mu usa musohi.

Luuka 18:4

Tangu yoosi nzonzi akabisa. Titswene, nde ni utsima: “Eye, me nzaabi ti me a mbakiinza Nzambi, na ukiinza pasi muutu ve.

Luuka 3:8

Ni mu buuna, butaani mbutu yi yi ukaata imbangi ti benu limisobo mbiili a benu. Na a lilelesene mu mitima mya benu ve ti: “Bisu lili na taata a bisu Abrahami.” Ka me ndeele benu ti, mamanya momanima, Nzambi utwala ukitusa mo baana ba Abrahami.

Luuka 7:16

Bu baatu baamoni maana, boosi baakiinzi na bayusi Nzambi. Bo baakaleele: «Mumbihuli wu munene mimonele ŋa hati la bisu. Nzambi miyakumbasa baatu ba nde.»

Luuka 7:37

Mu musyenge mowuna, hwaba na mukaasu mumosi wu imbembo. Nde ayabi ti Yisu aba mu udya mu nzo Mufarisi. Nde abehi itutu hya alabati hi hyaluula mu nyafi.

Luuka 7:38

Na nde avyohi Humbisa a Yisu bebele a miilu mya nde, abaandihi ulila. Matsanga ma nde maabolisi miilu mya Yisu, na nde akombili myo mu naanga a nde. Nde abumbi miilu mya Yisu, na ayitili myo nyafi.

Luuka 7:40

Yisu afutili huli Mufarisi: «Simoni, me na dyambu li uleele we.» Simoni afutili: «Eye Mulongisi, leele lo.»

Yowani 4:19

Mukaasu mo afutili: «Pfumu, me ndi mu umono ti we mumbihuli a Nzambi we li.

Yowani 7:12

Na mutso makonge ma baatu, hwaba na wadi-wadi mu nduhi a nde. Bamosi baakaleele: «Nde muutu nga mavanga mamabwe.» Bakima ti: «Naana! Nde baatu ubaasoho.»

Yowani 9:24

Bafarisi baabwetsiha muutu wu aba inzimana, tsiha la moole na baaleeli nde: «Yuusa Nzambi mu uleele imbuli. Bisu liyaabi ti bahala moliina, nga masumu ali.»