Luuka 7:37 - Musamu wu Mubwe

³⁷ Mu musyenge mowuna, hwaba na mukaasu mumosi wu imbembo. Nde ayabi ti Yisu aba mu udya mu nzo Mufarisi. Nde abehi itutu hya alabati hi hyaluula mu nyafi.

Luuka 7:37 ပူးပေါင်းရင်းမြစ်များ

Luuka 18:13

Mukambi limandu atelimi ŋa lala, a hayehili tso usuula miisu hu yulu ve. Ka nde akabula tulu na uleele: “Nzambi a me, kwila me lingebe, me wu uli nga masumu.”»

Luuka 19:7

Baatu bamono buuna, boosi baakaŋono na baakaleele: «Muutu mowunuwu miyabala mupaaku huli wu asumaha.»

Luuka 5:30

Bafarisi na milongisi mi mikele baakaŋono na baakaleele huli bayihi ba nde: «Muhima benu lili mu udya na unywa na bakaambi ba limandu, na banga masumu?»

Luuka 5:32

Me a hanza mu uteele babaakuha ve, ka banga masumu. Me anzateele bo mana bo basobo mbiili a bo, na uya huli Nzambi.»

Luuka 7:34

Mwana a muutu miiya. Nde li mu udya, nde li mu unywa, na benu lili mu uleele: “Monwani bahala moli, nga mubaka na ikolo-mbungu! Nde wu, mbaahi bakaambi ba limandu na baatu banga masumu.”

Luuka 7:36

Mufarisi mumosi atsihi Yisu mu uya dya huli nde. Yisu akoti mu nzo Mufarisi, na atsahili ŋa metse.

Yowani 11:2

Mariya ni wu apuupili nyafi mu miilu mya Pfumu na ukombolo myo mu nanga a nde. Wu aba mu ubeele ni kedi a nde Lazaro.

Yowani 9:24

Bafarisi baabwetsiha muutu wu aba inzimana, tsiha la moole na baaleeli nde: «Yuusa Nzambi mu uleele imbuli. Bisu liyaabi ti bahala moliina, nga masumu ali.»

Yowani 9:31

Bisu liyaabi ti Nzambi a hubaayuhala banga masumu ve. Ka nde ubaasiingala pasi muutu wu ubaakiinza nde na wu ubaasa litondo la nde.

Looma 5:8

Ka mono buni Nzambi hamwesi bunene bu litondo la nde mu bisu: ŋa bisu laaba kini banga masumu, Kristo akwidi mu toni a bisu.

1 Timoteho 1:15

Liniili ni dyambu la mbuli, li baatu boosi baafwana uyaka: Yisu Kristo amiiya ŋa tsi mu uyobolo banga masumu. Ka me wa tsomi ŋa hati la bo.

1 Timoteho 1:9

Mu mbuli, bisu liyabi kaka ti, Nzambi a havanga Mikele mu baatu ba baakuha ve. Nde havanga kaka Mikele mu toni a ba baavele na lisingala, bangoyi, banga bukanyi, banga masumu, ba baavelekinza Nzambi, na bya ngidi. Nde havanga Mikele, mu toni a baatu ba bubaaduba bataata na bangu ba bo, napa mu badubi ba baatu.

1 Peetelo 4:18

We bu mabaasonehe mali mu uleele: «Tso hu li pasi mu mutsiitsa mu uyoboho, sa ufula pasi mu nga mavanga mamabi na mu nga masumu»