Luuka 7:33 - Musamu wu Mubwe

³³ Bu Yowani Mutondihi hayidi, nde lipa udya ve, nde malamu unywa ve, na benu lili mu uleele: “Tengo lamilwata nde.”

Luuka 7:33 ပူးပေါင်းရင်းမြစ်များ

Luuka 1:15

Nde uba wu munene ŋa busu bwa Pfumu. Nde a hunywa vinye ve, tso pasi malamu ma mu ubaakolese ve. Nde uluula mu Livupu la Ngidi, ubandiha mu tso a monyi a ngu a nde.

Luuka 7:32

Bo baafwana we baana ba bangebe ba baatsahala ŋa saandu, ba bali mu utelesene na bali mu uleele: “Bisu lafulili benu munzololo, benu a laakini ve! Bisu layimbili benu nyimbu yi ikwili, benu a laalili ve.”

Luuka 7:34

Mwana a muutu miiya. Nde li mu udya, nde li mu unywa, na benu lili mu uleele: “Monwani bahala moli, nga mubaka na ikolo-mbungu! Nde wu, mbaahi bakaambi ba limandu na baatu banga masumu.”

Yowani 10:20

Babalahi ŋa hati la bo baakaleele: «Nde na livupu la tengo ali. Nde na ladi. Mu hima benu libaayuhala nde?»

Yowani 8:48

Bayudaayo baafutili: «Bisu a lili na mbiinga mu uleele ve ti we musi Samariya, nga livupu la tengo?»

Yowani 8:52

Bayudaayo baafutili: «Bunuubu, bisu limiisilasa ti we na livupu la tengo! Abrahami akwidi, mimbihuli kaka myakwidi, na we li mu uleele: “Pasi muutu wu ukeelese mikuma mya me, nde a humono lipfu ve, na nde ukwilala mu bilima na bilima.”

Mavanga 2:13

Ka baatu bakima baanyanzi na baakaleele: «Bo hutso a laangi li malamu bali.»