Luuka 7:22 - Musamu wu Mubwe

²² Yisu afutili bo: «Ya yabisaani Yowani ma benu limiimono, na ma benu limiiyuha. Binzimana bili mu umono, bikata bili mu uteleme na uyene, banga a bwatsi bali mu utsyeme, bikwa-matswi bili mu uyuha, babaakwa bali mu usuuha, na biyaha bili mu uyuha musamu wu mubwe.

Luuka 7:22 ပူးပေါင်းရင်းမြစ်များ

Luuka 4:18

«Livupu la Pfumu lili ŋa yulu a me, mu toni ati, Pfumu amiisoolo me mu uyabisa Musamu wu Mubwe huli biyaha. Nde atsindihi me mu uleele huli ba baakangama: “Benu ka bunyanga!” Mu uleele huli binzimana: “Benu lu umono!” Nde atsindihi me mu uyobolo babali mu munyongi,

Luuka 7:21

Ka mu tangu mo yina, Yisu abeelusi baatu babalahi: babeedu, bikata, na banga mavupu mamabi. Na nde abeelusi ka binzimana bibilahi.

Luuka 7:23

Kinya yili na muutu wuna wu uvelebwisa imiinu hya nde mu toni a me.»

Yowani 1:46

Natanayeli afuuli Filipo: «Hu Nazareti kaka, utwala uyiila dyambu li libwe?» Filipo afutili nde: «Yaanga, we sa mono!»

Mavanga 26:18

Me ndi mu utsindaha we, mana we dibula bo miisu. Me ndi mu utsindaha we, mana we palisa bo mu piipidi, mu uvyoso bo mu liyalala. Me ndi mu utsindaha we, mana we palisa bo hu tsina matwala ma Satana, mu ususa bo hu tsina lituma la Nzambi. Bu bu usiila me hiitu, Nzambi unyahula masumu ma bo, na bo bu ubaha mbuha ŋa hati la ba Nzambi hamiisoolo.”»

Mavanga 8:7

Mu mbuli, mavupu mamabi maakapala mu baatu babalahi, na maakafulaha mu mifudi. Bikata na banga matsode babalahi baabeluhi.

Yaki 2:5

Yuhani baana ba ngu a me ba litondo, Nzambi asooli biyaha bya ŋa toto, mana byo biba bisina mu imiinu. Bisina mu imiinu byuba babahi ba mukobe a Ipfumu hi Nzambi hasiidi lahi, huli ba bubaatondo nde.