Luuka 7:2 - Musamu wu Mubwe

² Huuna, hwaba na mukuutu a kama li masadaadu, wu aba na musalili mumosi wu nde haba hatondo. Musalili mowuuna abeedi na ubeele hwa ŋa pedu lipfu.

Luuka 7:2 ပူးပေါင်းရင်းမြစ်များ

Luuka 23:47

Hwaba na muutu mumosi, mukuutu a kama li balwani. Bu nde hamoni buuna, ayusi Nzambi na aleeli: «Ni mbuli, muutu mowunuwu a habeedi na toni ve.»

Luuka 7:1

Bu Yisu hamani uleele mambu mo manima mosi huli baatu ba baababaadiinga nde, nde ayeni hu musyenge a Kapernahumi.

Luuka 7:3

Bu nde hayuhi tsangu a Yisu, nde atsindihi mwana kabu li bakuutu ba Bayudaayo, mana bayalembesene nde mu uyabeeloso musalili a nde.

Luuka 8:42

Nde haleeli buuna, mu toni ati, liviingu la mwana a nde wu mukaasu, wu aba tungi la kuumi na bilima byole, aba ŋa lipfu. Bu nde haba mu dwe huuna, konge a baatu yakavinyala nde.

Mavanga 10:1

Hu musyenge a Sezare, hwaba na muutu mumosi nduhi Korineye. Nde aba mukuutu a buli la kama (100) li balwani ba musyenge a Looma, wu bubaateele ti «konge ya Itali».

Mavanga 10:7

Bu pofi wu akatoyo na nde hayeni, Korineye ateeli basalili ba nde boole na lisadaadu limosi, muutu wu asungama. Nde li ŋa hati la ba baabaambana na nde.

Mavanga 22:26

Bu nde hayuhi buuna, mukuutu masadaadu ayayibusa mukuutu balwani: «We buni usa?» Nde aleeli: «Muutu mowunuwu musi Looma ali.»

Mavanga 23:17

Buuna Pahuli ateeli mumosi mu bakuutu ba masadaadu. Nde aleeli nde: «Bita mufudu mbahala mowunuwu, huli mukuutu balwani. Mu toni ati, nde na dyambu li uyabisa nde.»

Mavanga 27:1

Bu bisu laavoli kesili mu uyene hu Italiya mu likuumbi, batumi baayehuli Pahuli na mwa litangu li bikondaayi ŋa myoho mi mukuutu masadaadu Yuliyusi. Muutu mowunuwu akatuma kabu li balwani li baakateele «kabu la nga tsi».

Mavanga 27:3

Ilumbu hi hyaduuki, bisu laayato hu musyenge a Sidoni. Yuliyusi wu aba na bukuhu ŋa busu bwa Pahuli, aviidi nde muswa mu uyamono bambaahi ba nde mu ubaha bi nde haba na byo nzala.

Mavanga 27:43

Ka mukuutu wu akatondo ufuuhasa Pahuli, alihi bo mu usa buuna. Nde atumi boosi ba baaba baayaba ubwila, mu uba baatsomi mu ubwa mu mamba na uyene hu simu.