Luuka 7:16 - Musamu wu Mubwe

¹⁶ Bu baatu baamoni maana, boosi baakiinzi na bayusi Nzambi. Bo baakaleele: «Mumbihuli wu munene mimonele ŋa hati la bisu. Nzambi miyakumbasa baatu ba nde.»

Luuka 7:16 ပူးပေါင်းရင်းမြစ်များ

Luuka 1:65

Baatu boosi ba ibingi mohiina baaba na boomo, na ba itanzi hi bisyelo bya Yuda, baakayambila mu toni a moosi ma maabwidi.

Luuka 1:68

«Muyusu huli Pfumu Nzambi mabuli ma Isereli, mu toni ati, nde ayidi mu uyobolo baatu ba nde.

Luuka 19:44

Bo sa banyihula we woosi, we na bisu bula boosi. Bo a busiisa ŋa hati la we, manya ŋa yulu a manya ve. Mu toni ati, we a hatsikaha tangu yi Nzambi hu uyakumbasa we ve.»

Luuka 2:20

Bakeelisi ba biboodi baafutihi mu ubaayusa na ubaakinza Nzambi mu moosi ma bo baayuhi na baamoni, we bu pofi hayabisi bo.

Luuka 24:19

Yisu ti: «Mo ka ki mo?» Bo baafutili nde: «Ma maabwa mu toni a Yisu, musi Nazareti, nde beedi mumbihuli a Nzambi wu matwala. Nde amwese mo mu mavanga na mu mambu ŋa busu bwa Nzambi na ŋa busu bwa baatu boosi.

Luuka 5:26

Baatu boosi baakimuhi na baakayusa Nzambi. Bu baaluuli mu tsisu, bo baakaleele: «Loloyi bisu limiimono mambu ma kimwili.»

Luuka 5:8

Bu Simoni Peetelo hamoni buuna, nde atsokimi ŋa busu bwa Yisu na aleeli: «Pfumu, tahuha na me, ka me ni nga masumu.»

Luuka 7:15

Na mwana wu akwa atsahili, abaandihi utoyo. Yisu afutili nde huli ngu a nde.

Luuka 7:39

Mufarisi wu ateeli Yisu mu udya amono buuna, aleeli hutso mutima a nde: «Tso muutu mowunuwu beedi mumbihuli wa mbuli, kini nde kiyaba na li mukaasu wu mibembe nde, na mbiili a nde. Nde kiyaba ti mukaasu mowunuwu imbembo ali.»

Luuka 8:37

Ni mu buuna, bisu Ngelesaneya boosi baabahi boomo bu bulahi. Na baayavondo Yisu mu utahuha na bo. Nde abwekoto mu bootehe na afutihi.

Luuka 9:19

Bo baafutili: «Yowani Mutondihi, bakima ti mumbihuli Eliya, bakima ti mumosi mu mimbihuli mya tsikulu misuuha.»

Yowani 1:21

Na bo baafuuli nde: «Ka we ka na li? We ni Eliya?» Nde afutili bo: «Naana, me a handi Eliya ve.» Bo baabwefuula nde bunuubu: «We ka mumbihuli wu Nzambi hu utsindaha?» Na nde afutili ti «Naana!»

Yowani 1:25

Bo baabwefuula nde bunuubu: «Ka we mu hima we ubaatondehe baatu, tso we a hali Kristo ve, buuve Eliya, buuve mumbihuli wu Nzambi hu utsindaha?»

Yowani 4:19

Mukaasu mo afutili: «Pfumu, me ndi mu umono ti we mumbihuli a Nzambi we li.

Yowani 6:14

Bu baatu baamoni iliimbu hya kimuhili hi Yisu hasiidi, bo baakaleele: «Mbuli nde ni Mumbihuli wu akiifwana uya mu tsi!»

Yowani 9:17

Bafarisi baabwefuula inzimana: «Ka we buni li mu uleele mu nde wu midibula miisu ma we?» Nde afutili: «Nde Mumbihuli ali.»

Mavanga 5:5

Bu Ananya hayuhi mambu momaana, nde abwidi na akwidi. Na boosi babaayuhi musamu mowunuwu, baamoni boomo bu bwafulala.

Mavanga 7:37

Ni Moose mowunuwu kaka, abweleele huli bisu Isereli ti: “Nzambi upalisa ŋa hati la benu mumbihuli we me, wu uba inama hya buli la benu.”

Ngalaatiya 1:24

Na mabundu maakayusa Nzambi mu toni a me.