Luuka 5:30 - Musamu wu Mubwe

³⁰ Bafarisi na milongisi mi mikele baakaŋono na baakaleele huli bayihi ba nde: «Muhima benu lili mu udya na unywa na bakaambi ba limandu, na banga masumu?»

Luuka 5:30 ပူးပေါင်းရင်းမြစ်များ

Luuka 18:11

Mufarisi akasambila mutele hutso mutima a nde bunuubu: “Nzambi a me, me ndi mu upfutala we matondo, bu me apele we baatu bakima: ba bali bayibi, bababi, na banga mayamba. Baatu mobaana bali we mukambi limandu mowunuwu.

Luuka 19:7

Baatu bamono buuna, boosi baakaŋono na baakaleele: «Muutu mowunuwu miyabala mupaaku huli wu asumaha.»

Luuka 5:17

Ilumbu imosi, Yisu bu hakayihasa baatu, Bafarisi na milongisi mi mikele baaba batsahala ŋa muvanga a nde mu uyuhala nde. Baatu mobaana baamati mu mala moosi ma Ngalili, na ma Yuda nate hu musyenge a Yeruselemi. Na matwala ma Pfumu maaba mu Yisu. Nzambi aviidi nde matwala mu ubeeloso babeedu.

Luuka 5:21

Milongisi mi mikele na Bafarisi baatsimi na baakalelesene: «Ki pila a muutu wu ubaasumana Nzambi? Na utwala utsindula masumu tso a ni Nzambi nde mwakulu ve?»

Luuka 7:34

Mwana a muutu miiya. Nde li mu udya, nde li mu unywa, na benu lili mu uleele: “Monwani bahala moli, nga mubaka na ikolo-mbungu! Nde wu, mbaahi bakaambi ba limandu na baatu banga masumu.”

Luuka 7:39

Mufarisi wu ateeli Yisu mu udya amono buuna, aleeli hutso mutima a nde: «Tso muutu mowunuwu beedi mumbihuli wa mbuli, kini nde kiyaba na li mukaasu wu mibembe nde, na mbiili a nde. Nde kiyaba ti mukaasu mowunuwu imbembo ali.»

Mavanga 23:9

Baakasinzafulaha. Bakuutu ba mikele, ba mu kabu li Bafarisi baatelimisi paha yinene na uleele: «Bisu a limoni dyambu tso limosi lilibi mu bahala molinili ve. Na yaabi? Peleve livupu, tso pofi mumosi yamonehele na nde?»