Luuka 4:35 - Musamu wu Mubwe

³⁵ Yisu afwengili livupu lilibi: «Ba swi! Pala mu muutu mowunuwu!» Bu tengo labwisi muutu ŋa busu bwa bo, lo lapali mu muutu mowuna hwavele usa nde pasi dyambu.

Luuka 4:35 ပူးပေါင်းရင်းမြစ်များ

Luuka 11:22

Ka tso muutu wu aluta nde mifudi yalwanisa nde na biingili nde, nde sa apatula nde bilwanili byosi bi nde abeedi hasa hiitu. Na nde sa apatula bya nde byosi na ukaba byo.

Luuka 4:23

Yisu aleeli bo: «Me ndi na hiitu, ti benu lu uta me kuma moyiniyi: “Nganga, beeloso we, we mwakulu.” Na benu lu uleele kaka bunuubu: “Vanga kaka huni hu tsi a we mwakulu, mambu moosi ma bisu layuhi mamavyohi hu Kapernahumi.”»

Luuka 4:39

Yisu atelimi ŋa bebele a nde, na aleeli baahu mu udimbala, ka bahu laapali. Mu mawasa, mukasu atelimi na akabili bo byudya.

Luuka 4:41

Matengo mamalahi mapali mu baatu, na ubaafulaha: «We ni Mwana a Nzambi.» Ka Yisu akafwengele mo na ubaaliha mo mu utoyo mu toni ati, mo maaba mayaba ti nde ni Masiya.

Luuka 8:24

Bayihi bayasusaha ŋa pedu a Yisu, na baaleeli: «Mulongisi! Mulongisi! Bisu likwi!» Yisu asuuhi, apamini ifula na mapo. Ifula na mapo byakulimini, na byasiidi «swi».

Luuka 9:39

Livupu lilibi libaabwa mu nde, lo libaatuma nde mu ubaafulaha. Lo libanyingasa nde mu mifudi, na ubapalisa nde mafudi mu munywa. Lo ubaanyahula nde mu pasi, na lo libaakolese nde hu ulahi ŋa yulu unyongese nde.

Luuka 9:42

Bu mwana hakayasusaha, tengo laabwisi nde ŋa toto, na lanyingisi nde mu mifudi. Ka Yisu afwengili tengo, abeelusi mwana na afutili nde huli taata a nde.