Luuka 3:11 - Musamu wu Mubwe

¹¹ Nde afutili bo: «Nyaha muutu wu uli na biyunga byole, akaba imosi huli wu avele na hyo. Na wu uli na byudya, akabila bana.»

Luuka 3:11 ပူးပေါင်းရင်းမြစ်များ

Luuka 11:41

Ni mu buuna, baavaani biyaha bisiha biina bi bili hutso mambungu na bikombe bya benu. Na byosi sa biba bi byatsyeme huli benu.

Luuka 18:22

Bu Yisu hayuhi maana, nde aleeli: «Hyamiivele huli we isiha imosi: sumbasa byosi bi we li na byo, kaba kaluha a fwanda huli biyaha. Vanga buuna, we ubaha busina bwa hu yulu. Titswene yanga na duukala me.»

Luuka 19:8

Ka Zakaayi, mutele, ŋa busu bwa Pfumu, ni uleele nde: «Pfumu! Me tsapa ibadi hi busina bwa me huli biyaha. Tso me apolo mbongo yi ndahi huli muutu ŋa me akakamba limandu, me tsapfutala nde byetso bina ŋa yulu a bi me apoli.»

Yowani 13:29

Bu Yuda haba ikanga-koome hya mbongo, babalahi baatsimi ti Yisu nde hakatuma mu uyasuumba bi bo baakisalila mu mukungi, buve mu uyakabila mbongo huli biyaha.

Mavanga 10:2

Nde na ikuta hya nde hyosi, baakakinza Nzambi, mu mifudi mya nde myosi. Akabaakwila lingebe na ubaakumbasa biyaha bi Bayudaayo. Nde akasambila Nzambi tangu yoosi.

Mavanga 10:31

Nde aleeli: “Korineye, Nzambi miiyuhala lisambulu la we, na miiyibwala monyi mu likumbasa li we ubaava huli biyaha.

Mavanga 10:4

Korineye atali pofi, na likamba loosi, na aleeli nde: «Ki dyambu Pfumu?» Pofi afutili nde: «Masambulu ma we na kwili a we lingebe mu biyaha, bi miikumasa huli Nzambi. Na Nzambi miiyuha masambulu ma we na uyaka mo we bungodu. Nde miiyibwala we monyi.

1 Timoteho 6:17

Leele huli banga busina ba tsi moyiniyi, baveleba na isayi. Leele bo bavelesa hiitu hya bo mu busina bu bubaadimbala, mu toni ati, bwo a buudinga ve. Ka nyaha babaasa hiitu hya bo mu Nzambi, wu ubaava bisu byosi bi byafulala, mana bisu liba mu kinya.

1 Timoteho 6:18

Tuma bo babaavanga mamabwe, bo baba bisina mu mavanga mamabwe, mu umonehele banga a lehemene li ukabila bana.

Yaki 1:27

Inzambi hi hyatsyeme na hi hyavele na tsumiili, ŋa busu bwa wu li Nzambi na Taata, ni mu ubaakumbasa bitsana na bakwili mutso minyongi mya bo. Inzambi hi hyatsyeme, ni mu uvelesumaha mu mambu mamabi ma tsi moyiniyi.

Yaki 2:14

Baana ba ngu a me, ki kaluha yili huli muutu mu ubaaleele ti: «Me ndi na imiinu», tso nde a hali mu umwese mavanga mamabwe ve? Imiinu hya buuna, utwala ufuuhasa nde ve.

1 Yowani 3:17

Tso muutu li na busina bu bulahi, na li mu ukama mutima ŋa busu bwa mwana a ngu a nde wu avele na hi ufuuhala, buni muutu mowuuna hutwala ubinuha ti nde atondo Nzambi?

1 Yowani 4:20

Tso muutu li mu uleele: «Me atondo Nzambi» na li mu ubelele mwana a ngu a nde, nde li mupfuti. Mu toni ati, wu abelele mwana a ngu a nde wu nde ali mu umono, buni nde hu utwala utondo Nzambi wu nde havelemono?