Luuka 24:47 - Musamu wu Mubwe

⁴⁷ Bo baabwesonehe ti, sa balongese mu nduhi a nde, Musamu wu Mubwe huli baatu ba matsi moosi. Mana bo basobo mbiili a bo, na bayaka nyahulili masumu. Bo sa batswamina ulongese mo hu musyenge a Yeruselemi.

Luuka 24:47 ပူးပေါင်းရင်းမြစ်များ

Luuka 13:34

Yeruselemi, we musyenge a Yeruselemi, we wu ubaaduba mimbihuli na uduba mu mamanya ba Nzambi ali mu utsindaha we! Me tondi ukuukaha baana ba we, we bu tsusu ubaafuha baana ba nde hutso mapapi ma nde. Ka benu a laatondo ve!

Mavanga 10:43

Mimbihuli myosi myatiili nde imbangi. Mono imbangi mo: pasi muutu wu usa hiitu mu nde, yaki linyahula li masumu mu matwala ma nduhi a nde.»

Mavanga 11:18

Humbisa uyuha mambu momaana, bo baavudimini, baayusi Nzambi. Bo baaleeli: «Kaahu mbuli, Nzambi amiiva nzila yi usobo mbiili na yi uyaka monyi a mbuli, huli ba baavele Bayudaayo.»

Mavanga 13:46

Buuna, Pahuli na Baranabasi baayabisi bo na hiitu hyosi ti: «Beedi hwafwana ti benu liba baatsomi mu uyuha mambu ma Nzambi. Ka bu benu lili mu unyasula mo, na umono ti benu a laakuha mu uyaka monyi wu bilima na bilima ve, bunuubu, bisu sa liyene huli ba baavele Bayudaayo.

Mavanga 2:38

Peetelo akaali bo: «Sobwani mbiili, na pasi muutu mu benu batondehe mu nduhi a Yisu Kristo. Saani buuna, mana Nzambi amasa masumu ma benu. Ni huuna benu lu uyaka bungodu bu Livupu la Ngidi.

Mavanga 20:21

Me anzaabisi huli Bayudaayo na Bangeleke, mu usobo mbiili a bo nzyeni. Me ambwenzaabisa bo mu ukiinguha huli Nzambi, na usiingama mu Pfumu a bisu Yisu.»

Mavanga 26:18

Me ndi mu utsindaha we, mana we dibula bo miisu. Me ndi mu utsindaha we, mana we palisa bo mu piipidi, mu uvyoso bo mu liyalala. Me ndi mu utsindaha we, mana we palisa bo hu tsina matwala ma Satana, mu ususa bo hu tsina lituma la Nzambi. Bu bu usiila me hiitu, Nzambi unyahula masumu ma bo, na bo bu ubaha mbuha ŋa hati la ba Nzambi hamiisoolo.”»

Mavanga 26:20

Ka me anzaabisa Musamu wu Mubwe, tsomi huli bisu Damaseko, bisu Yeruselemi, ba itanzi hya Yuda yoosi na ba matsi makima. Me ateele bo mu usobo mbiili. Bo bakiinguha huli Nzambi, na umwese mu mavanga tsobiili moyina.

Mavanga 28:28

Titswene Pahuli abweleele: «Buuna, yabaani li: yabaani ti mu musamu wu liyobolo, Nzambi amiitsindaha nde huli ba baavele Bayudaayo. Ka bo bu uyaka mu mutima a bo, musamu liyobolo!» [

Mavanga 3:19

Sobwani mbiili, na yafutahani huli Nzambi, mana nde atsindula masumu ma benu.

Mavanga 4:12

Liyobolo ndulu mu nde lili. Mu tsi yoosi, Nzambi a hava muutu mukima ve ŋa hati la baatu, wu ufuuhasa bisu a benu.»

Mavanga 5:31

Nzambi asyenuli nde mu matwala ma nde, abyalisi nde we Pfumu na Muyobili. Nzambi hasiidi buuna, mana bisu Isereli basobo mbiili a bo, na bayaka nyahulili masumu ma bo.

Looma 5:20

Mikele myayidi mu umwese baatu masumu ma bo, na masumu maafulili bulahi. Ka huuna hu masumu maafulili, hyese hya Nzambi hyabwesinzafulala.

1 Yowani 2:12

Baana ba me, me ndi mu utsonehele benu muhanda mowunuwu mu toni ati, Nzambi amiisa kolo-kolo mu masumu ma benu, mu nduhi a Yisu Kristo.