Luuka 24:30 - Musamu wu Mubwe

³⁰ Nde atsahili ŋa metse na bo, nde avoli lipa, asambili na asyemi lo. Titswene nde abukili lo na aviidi bo lo.

Luuka 24:30 ပူးပေါင်းရင်းမြစ်များ

Luuka 22:19

Titswene nde avoli lipa, afutili matondo huli Nzambi, abukili lo, akabili bo mu bitini na aleeli: «Yiniyi ni nyutu a me yi me piidi mu benu. Saani buuna mu uyibwala me monyi.»

Luuka 24:29

Ka bo baayayiini nde na uleele: «Ba na bisu, mu toni ati, ilumbu hi mikulamana na butsuhu bwaka bebele.» Nde akoti mu uba na bo.

Luuka 24:35

Bo mwakulu baaviidi ikumbu mu ma bo baamoni mu nzila, na buni bo baadihuli Yisu mu tangu a kabili lipa.

Luuka 9:16

Yisu avoli mapa mataanu na batswi boole. Asimbuli miisu hu yulu, na afutili matondo huli Nzambi mu byo. Titswene, nde akesi byo, na aviidi byo huli bilumbi mu ukabila konge yoosi.

Yowani 6:11

Yisu avoli mapa, afutili matondo huli Nzambi, na akabi mo huli ba baaba ŋaana. Nde aviidi bo kaka batswi mu iteesi hi bo baatondi.

Mavanga 2:42

Bo baakahwada mu ubaayuha tangu yoosi ndongisili bilumbi, mu ubaatsahala mu itwadi na bana, mu ubaadya na ubaasambila mu itwadi.

Mavanga 2:46

Pasi ilumbu, mu mutima mumosi, bo baakaba ŋa litandala la nzo a Nzambi. Bo baakakabasana byudya bya bo, mu itwadi mu manzo ma bo, na baakadya na kinya, mutima wu ayaluha.

Mavanga 27:35

Bu nde hamani maana uleele, Pahuli avoli lipa, afutili matondo huli Nzambi ŋa busu bwa baatu boosi. Titswene, nde akesi lipa na nde abaandihi udya.