Luuka 24:19 - Musamu wu Mubwe

¹⁹ Yisu ti: «Mo ka ki mo?» Bo baafutili nde: «Ma maabwa mu toni a Yisu, musi Nazareti, nde beedi mumbihuli a Nzambi wu matwala. Nde amwese mo mu mavanga na mu mambu ŋa busu bwa Nzambi na ŋa busu bwa baatu boosi.

Luuka 24:19 ပူးပေါင်းရင်းမြစ်များ

Luuka 24:18

Mumosi mu bo, nga nduhi a Kelopasi, akaali nde: «Mu boosi ba bali mu Yeruselemi, ndulu ni we dimbili ma mamiivyoho bilumbu mobiinibi?»

Luuka 7:16

Bu baatu baamoni maana, boosi baakiinzi na bayusi Nzambi. Bo baakaleele: «Mumbihuli wu munene mimonele ŋa hati la bisu. Nzambi miyakumbasa baatu ba nde.»

Yowani 3:2

Nde ayamono Yisu hutso butsuhu na aleeli nde bunuubu: «Rabi, bisu liyaabi ti we ni wu Nzambi hatsindaha mu ulongese bisu. Mu toni ati, muutu tso mumosi utwala usa biliimbu bya kimuhili bi we li mu usa, tso Nzambi a hali na nde ve.»

Yowani 4:19

Mukaasu mo afutili: «Pfumu, me ndi mu umono ti we mumbihuli a Nzambi we li.

Yowani 6:14

Bu baatu baamoni iliimbu hya kimuhili hi Yisu hasiidi, bo baakaleele: «Mbuli nde ni Mumbihuli wu akiifwana uya mu tsi!»

Yowani 7:52

Bo baafutili nde bunuubu: «We kaka musi Ngalili we li? Kengese Ma baasonehe na we sa mono ti mumbihuli tso mumosi a hupala mu Ngalili ve.» [

Mavanga 10:38

Benu liyabi buni Nzambi hasooli Yisu musi Nazareti, na nde aluusi nde mu Livupu la Ngidi na mu matwala ma nde. Benu liyabi ka buni Yisu hakataangila, mu uvanga mamabwe na ubeloso boosi ba baaba baakangama hu tsina matwala ma mukuyi. Nde hasiidi buuna, bu Nzambi habeedi itwadi na nde.

Mavanga 2:22

Benu bisu Isereli, yuhani ma me undeele benu, mu toni a Yisu musi Nazareti. Ni bahala li Nzambi hasilasa ŋa busu bwa benu, mu bipadi na bilimbu bi Nzambi hasa mu nde ŋa hati la benu. Benu mwakulu liyabi ma nde havangi.

Mavanga 7:22

Ni huuna, Moose hayihi nzaabili yoosi ya bisu Ngipiti. Nde abahi matwala ma manene mu bitoyili na mu mavanga ma nde.