Luuka 23:50 - Musamu wu Mubwe

^50-51 Hwaba na bahala limosi, nduhi a nde Yosefi. Nde aba musi bula bu Bayudaayo bwa nduhi Arimate. Bahala moliina aba muutu wu mubwe na wu asungama, na nde akakeele nziili Ipfumu hya Nzambi. Nde aba mumosi ŋa hati la pfuundu banzonzi ba Bayudaayo. Ka nde a hasiingi kesili na ma banzonzi bakima baasiidi ve.

Luuka 23:50 ပူးပေါင်းရင်းမြစ်များ

Luuka 2:25

Hu musyenge a Yeruselemi hwaba na muutu mumosi, nduhi a nde Simeyoni. Nde aba wu asungama na nga likinzu ŋa busu bwa Nzambi. Nde akakeele muutu wu Nzambi hafwana utsindaha mu uyobolo bisu Isereli, na Livupu la Nzambi laaba ŋa yulu a nde.

Mavanga 10:2

Nde na ikuta hya nde hyosi, baakakinza Nzambi, mu mifudi mya nde myosi. Akabaakwila lingebe na ubaakumbasa biyaha bi Bayudaayo. Nde akasambila Nzambi tangu yoosi.

Mavanga 10:22

Bo baafutili: «Mukuutu balwani Korineye, miitsindaha bisu huli we. Nde li muutu wu asungama na wu ubaakinza Nzambi. Ni nde wuna, wu Bayudaayo boosi bubaasilasa mbiili. Pofi a Nzambi ayamonehele na nde, na uleele nde atsiha we hu nzo a nde. Muutu mowuna na nzala uyuha mambu ma we uyaabisa nde.»

Mavanga 11:24

Baranabasi abeedi muutu wu mubwe, wu aluula mu Livupu la Ngidi na mu imiinu mu Nzambi. Baatu babalahi baabiisili Pfumu.

Mavanga 13:29

Humbisa ukuhasa moosi ma bisono bya Ngidi byayabisi mu toni a nde, baasutisi nde ŋa kuruwa na baasuusi nde mutso a ngila.