Luuka 23:2 - Musamu wu Mubwe

² Huuna, bo baabandihi mu ukese nde na ubaaleele: «Bisu limiibiisa muutu mowunuwu mu ulobese tungi la bula: nde li mu uliha baatu mu ufuta limandu huli pfumu Kayisaali, na nde li mu ubamonehele nde mwakulu ti nde ni Kristo, pfumu.»

Luuka 23:2 ပူးပေါင်းရင်းမြစ်များ

Luuka 23:14

Nde aleeli bo: «Benu limiibehele me muutu mowunuwu na uleele ti, nde li mu utsindahala baatu mu uvelesiingala lituma la tsi. Ka me mwakulu miipa nde byuhu, ŋa busu bwa benu, na me a hamono toni mu nde, mu moosi ma benu lili mu ukese nde ve.

Luuka 23:5

Ka bo baabweleele na mifudi myosi: «Mu ndongisili a nde, nde li mu utsindahala baatu ba itanzi hya Yuda hyosi mu uvelesiingala lituma la tsi. Nde abaandihi hu itanzi hya Ngalili nate huni.»

Yowani 18:29

Ni mubuuna, mutumi Pilaato hasusihi hupedu a bo humbadi. Nde afuuli bo: «Mu ki dyambu benu lili mu ukese bahala molinili?»

Yowani 18:30

Bo baafutili nde: «Tso nde a hali muvangi a mambu mamabi ve, bisu a likiibehele we nde ve.»

Yowani 19:12

Umata tangu moyiina, Pilaato akasaha unyahula Yisu. Ka Bayudaayo baakafulaha: «We unyahula nde, we a hali mbahi a mutumi Kayisali ve. Pasi muutu wu ubaabilumana pfumu a tsi, li muboho a Kayisali.»

Mavanga 24:13

Baatu mobaniba a baatwala umwese, mu ki toni batondi utsundasa me ve.

Mavanga 24:5

Bisu limiimono ti bahala molinili, lili muutu wu afulala bubi, bu nde ali mukuutu a kabu la Nazareti. Nde li mu ukotese hyalasasa ŋa hati li Bayudaayo ba ŋa toto yoosi.

Looma 13:7

Futalaani huli pasi muutu hi hyahwama na nde: futaani limandu huli wu benu laafwana ufuta lo, na makesili makima ma lituma libaakamba, huli wu benu laafwana ufuta mo, muyusu huli wu benu laafwana uva muyusu, likiinzu huli wu benu laafwana uva likiinzu.