Luuka 22:36 - Musamu wu Mubwe

³⁶ Na nde aleeli bo: «Ka bunuubu, woosi nga ipoholo hya mbongo, nyaha avolo hyo. Ni we nga koome ka. Na wu avele na sabila, asumbasa ikutu hya nde na asumba sabila a nde.

Luuka 22:36 ပူးပေါင်းရင်းမြစ်များ

Luuka 22:35

Nde abweleele bo: «Ŋa me atsindihi benu hwavele ipoholo hya mbongo, tso koome, tso bikoodi, benu laakiimi mu isiha?» Bo baafutili: «Isiha tso imosi ve.»

Luuka 22:37

Ka me ndeele benu, hwafwana mu ukuhasa ma mumbihuli a Nzambi hasonehe mu me: “Baasuusi nde mu litangu la banga mamabi, na dyambu mo liinili lafwana utswiha mu toni a me.” Mu toni ati moosi ma baasonehe mu me, sa matswiha.»

Luuka 22:38

Bayihi baaleeli: «Pfumu, mono basabila boole.» Na nde afutili bo: «Baana tsiitsa!»

Yowani 15:20

Yibwalaani monyi mu mikuma mi me andeeli benu: “Musalili a hubaalutala pfumu a nde ve.” Tso baatsuti me, bo sa batsuta benu kaka. Tso baakeelisi mikuma mya me, bo sa bakeelese mikuma mya benu kaka.

Yowani 16:33

Me miinzabisa benu mambu momaana, mana benu likangama mu me, benu libaha hyenze. Benu sa libwana mbingisili ŋa tsi. Ka baani na ibahala! Me amimbingala tsi!»

1 Tesalonika 3:4

Ŋa bisu laaba kini ŋa hati la benu, bisu laakayibusa benu ti buumwese bisu pasi. Maana ni ma mavangimi, benu liyabi lo bubwe.

1 Peetelo 4:1

Bu Kristo hamoni pasi mu musunya a nde, benu kaka, vangamaani bumosi we nde. Mu toni ati, wu miimono pasi mu musunya a nde, miitahuha na masumu.