Luuka 21:8 - Musamu wu Mubwe

⁸ Yisu afutili bo: «Kebaani, muutu a hapfuta benu ve. Mu toni ati babalahi bu uya mu nduhi a me, na ubaaleele: “Ni me Masiya!” — Na “Tangu yamito.” Ka a liduuka bo ve.

Luuka 21:8 ပူးပေါင်းရင်းမြစ်များ

Luuka 17:23

Sa baleele benu: “Nde ŋa ali!” — Buve “Nde huuna ali!” A liyene maatiinu ve! A liduukala bo ve!

Luuka 21:7

Bo baafuuli nde: «Mulongisi, ki tangu mambu momanima mu utswiha na ki iliimbu humwese bisu ti mambu momanima mu utswiha?»

Luuka 21:9

Ŋa benu luyuha tsangu midiingu na miyungu, a liba na boomo ve, mu toni ati misamu momiina myafwana umavangama. Ka yina kini a ni tsukusu a tsi ve.»

Yowani 5:43

Me anza mu nduhi a Taata a me, na benu a laayaka me ve. Ka tso mukima yidi mu nduhi a nde mwakulu, benu sa liyaka nde.

Yowani 8:24

Ni mubuuna, me ndeeli ti benu luukwa mu masumu ma benu. Ka tso benu alisiidi imiinu ve ti “me, me ndi”, benu sa likwa mu masumu ma benu.»

Yowani 8:28

Ni mu buuna Yisu habweleele: «Ŋa benu lusyenolo Mwana a Muutu, ŋaana ni ŋa benu luuyaaba ti “me, me ndi”. Mu tangu moyiina, benu luutsikaha ti, me a handi mu utsa pasi dyambu mu me mwakulu ve. Ka me ndi mu utoyo ndulu ma Taata a me halongese me.

2 Tesalonika 2:3

Likele muutu a hasoho benu we bu nde atoondi ve. Mu toni ati, ilumbu mohiina a hyuya tswamina baatu bateleme mu utuna Nzambi ve. Na tswamina bubi bumonehele mu iteesi hya muutu nga bukanyi, wu amiidunga.

2 Timoteho 3:13

Ka baatu banga mavanga mamabi, banga a soho, bu usinzakagama mu bubi bwa bo. Bo bu usoho bakima, na bu udunga bo mwakulu.

1 Yowani 4:1

Bambahi ba litondo, a lisiingala pasi livupu ve. Baatsikahani mavupu, mana benu liyaba ki livupu lili mu umata huli Nzambi. Mu toni ati, mimbihuli mi mapfuta mimilahi myamiitsamuha mu tsi.

2 Yowani 1:7

Me ndi mu undeele buuna, mu toni ati, bapfuti babalahi baamiitsamuha mu tsi yoosi. Bo a bali mu usilasa ve ti, Yisu Kristo ayidi ŋa tsi mu nyutu musunya. Baatu ba pila yiina, ni bapfuti na baboho ba Kristo.