17 Baatu boosi sa babelele benu mu toni a me.
Tso bataata na ba ngu ba benu, baana ba ngu ba benu, baakedi ba benu, ikuta na bambaahi ba benu, sa basumbasa benu, na sa baduba babalahi mu benu.
Ka tso linanga limosi li mutswe a benu a luudimbala ve.
Kinya homo huli benu tso baatu bali mu ubele benu, bali mu unyasula benu, bali mu utuha benu na ubaakusa benu, mu toni a Mwana a muutu.
Tso benu laakiba baatu ba tsi moyiniyi, tsi yakiitondo bi bili mu yo. Ka benu a lili baatu ba tsi ve. Me atsoolo benu ŋa hati la baatu ba tsi, ni mu toni moyiina baatu ba tsi baabelele benu.
Ka bo busiila benu mavanga mamabi maana moosi mu toni a me. Mu toni ati, bo a baayaba wu atsindaha me ve.
Me apa bo mikuma mya we, na baatu ba tsi na piinga mu bo. Mu toni ati, bo a bali ba tsi ve, we bu me apele wa tsi moyiniyi.
Baatu ba tsi utwala ubelele benu ve. Ka bo baabelele me. Mu toni ati, me umbaata imbangi ti mavanga ma bo mali mamabi.
Me tsa mwese nde me mwakulu, mapasi moosi ma nde humono mu nduhi a me.»
Ka Nzambi hava benu hyese hi usalila Kristo, ndulu a mu usa imiinu hya benu mu nde ve, ka napa mu umono pasi mu nde.
Ni kinya huli benu tso baatu bali mu utuha benu bu lili bayihi ba Kristo. Mu toni ati, Livupu la Nzambi li muyusu, lili na benu.
