Luuka 20:14 - Musamu wu Mubwe

¹⁴ Ka bu basali ba ngundu baamoni nde, bo baatsimi na baalelisini: “Nde wu ni nga mukobe! Lidubaani nde, mana mukobe aba wa bisu!”

Luuka 20:14 ပူးပေါင်းရင်းမြစ်များ

Luuka 19:47

Yisu akabaalongese bilumbu byosi mu litandala la nzo a Nzambi. Bakuutu ba banganga ba Nzambi, balongisi ba mikele na bakuutu ba bibandu, baakasaha uduba nde.

Luuka 20:13

Nga ngundu ka ni uleele bu: “Hima me utsa? Me ka mwana a me wu litondo me utsindaha, peleve bo bu ukinza nde.”

Luuka 20:15

Buuna bo baabwahi nde hu mbadi a ngundu a vinye, na baadubi nde. Hima nga ngundu a vinye husa huli baatu mobaniba?

Luuka 20:19

Balongisi ba mikele na Bakuutu ba banganga ba Nzambi, baasahi ukanga Yisu masulubete. Ka bo baakabata kungi la baatu. Bo baayabi ti kuma moyina mu bo Yisu hatiidi yo.

Luuka 20:5

Ka bo mwakulu baakafuulasana bu: «Tso lileeli ti: “Huli Nzambi”, nde sa afuula: “Mu hima benu laavelisa imiinu mu ma Yowani haleeli?”

Luuka 22:2

Bakuutu ba banganga ba Nzambi na bakuutu ba mikele baakasaha manzila ma uduba Yisu. Ka bo baaba na boomo bwa baatu.

Mavanga 2:23

Muutu mowunuwu baayehuli benu nde, we bu hwaba kesili a Nzambi, nde wu aba ateehele moosi uyaba. Ni benu laadubi nde. Benu ba laayehuli nde huli ba baaveleyaba Nzambi, mana bakomene nde ŋa kuruwa.

Mavanga 3:15

Buuna, benu laatumi uduba Pfumu a monyi. Ka Nzambi asuuli nde mu babaakwa, na bisu lili bambangi ba mambu momaana.

Looma 8:17

Eye, tso bisu lili baana ba Nzambi, bisu kaka ni babyalili ba mukobe! Eye! Babyalili ba mukobe a Nzambi. Mukobe wu luukabasana itwadi na Kristo. Ka tso bisu lili mu umono mapasi itwadi na Kristo, bisu kaka sa liba itwadi hutso muyusu a nde.