Luuka 2:10 - Musamu wu Mubwe

¹⁰ Ka pofi aleeli bo: «A liba na boomo ve, ka me miinza mu uyabisa benu Musamu wu Mubwe wa kinya yindahi mu baatu boosi:

Luuka 2:10 ပူးပေါင်းရင်းမြစ်များ

Luuka 1:13

Ka pofi aleeli nde: «Zakariya, a ba na boomo ve. Nzambi miyuha lisambulu la we: Mukadi a we Lisabeti ubutala we mwana wa bahala, na we uluha nde nduhi Yowani.

Luuka 1:19

Pofi afutili nde: «Me ni Ngabiyeli, wu ubaateleme ŋa busu bwa Nzambi mu ukumbasa nde. Nzambi miitsindaha me mu umohese we, na uyabisa we musamu mo wunuwu, wu mubwe.

Luuka 1:30

Pofi aleeli Mariya: «A ba na boomo ve! Mu toni ati, we miibaha hyese ŋa busu bwa Nzambi.

Luuka 2:11

Loloyi, hu bula bwa Davidi, bamiibutala benu Muyobili, ni nde Kristo, wu uli Pfumu.

Luuka 24:47

Bo baabwesonehe ti, sa balongese mu nduhi a nde, Musamu wu Mubwe huli baatu ba matsi moosi. Mana bo basobo mbiili a bo, na bayaka nyahulili masumu. Bo sa batswamina ulongese mo hu musyenge a Yeruselemi.

Luuka 8:1

Humbisa a maana, Yisu akataangila misyenge na mala. Huuna nde akalongese na uyabisa Musamu wu Mubwe wu Ipfumu hya Nzambi. Bilumbi bya nde kuumi na byole byaba na nde.

Mavanga 13:32

Bisu mwakulu lili mu ubehele benu musamu wu mubwe wu Nzambi hasiidi lahi huli bakaaha ba bisu.

Looma 10:15

Buni milongisi myusoloho tso a batsindihi myo ve? We bu Mabaasonehe ma Ngidi mali mu uleele: «Miilu mya bo mili mi mibwe, bo baana ba bali mu uyaabisa misamu mi mibwe!»