Luuka 19:9 - Musamu wu Mubwe

⁹ Yisu aleeli nde: «Loloyi Nzambi miiyobolo baatu babali mu nzo moyi, mu toni ati muutu mowunuwu ka li wu imbisa hya Abrahami.

Luuka 19:9 ပူးပေါင်းရင်းမြစ်များ

Luuka 13:16

Ka mukaasu mowunuwu, wuli mwana a Abrahami, wu Satana haba hamihada umata bilima kuumi poombo, a hwafwana mu uyobolo nde mu ilumbu hya saba ve?»

Luuka 13:30

Na buuna, bakima ŋa hati la babali batsyeleele, sa baba baatsomi, na bakima babali baatsomi loloyi sa baba batsyeleele.»

Luuka 16:24

Isina afulihi: “Taata Abrahami, kwila me lingebe. Na tsindaha Laazaro ayabootehe tsoso mulembo a nde mutso a mamba. Tsindaha nde avolemese me limi, mu toni ati me mu pasi ndi hutso a mbaahu mo yiniyi.”

Luuka 16:30

Isina ni uleele: “Buuna a bwa kuha ve, taata Abrahami. Ka tso muutu mati hu tsi a babaakwa na yeni huli bo, bo sa basobo mbiili na uyafutaha huli Nzambi.”

Luuka 2:30

Ka miisu ma me ma miimono liyobolo la we,

Luuka 3:8

Ni mu buuna, butaani mbutu yi yi ukaata imbangi ti benu limisobo mbiili a benu. Na a lilelesene mu mitima mya benu ve ti: “Bisu lili na taata a bisu Abrahami.” Ka me ndeele benu ti, mamanya momanima, Nzambi utwala ukitusa mo baana ba Abrahami.

Looma 4:16

Ni mu buuna, basiidi lahi mu nzila yi imiinu, mana hyo hiba hyese hi Nzambi ubaava, na basilasa hyo huli imbisa hya Abrahami hyosi. Lahi a lili mu utala ndulu ba bubaasiingala Mikele ve, ka napa boosi ba bubaasa imiinu we bu Abrahami hasiidi imiinu. Abrahami ni taata a bisu boosi,

Ngalaatiya 3:14

Ni mu buuna, lisyeme li baasiidi Abrahami lahi, laatoodi kaka huli bangoyi, mu toni a Yisu Kristo, na mu nzila imiinu, bisu boosi lili mu uyaka Livupu li Nzambi asiidi lahi.

Ngalaatiya 3:29

Umono ti benu lili ba Kristo, benu lili imbisa hya Abrahami. Na benu sa liba babyalili ba mukobe wu Nzambi hasiidi lahi huli Abrahami.

Ngalaatiya 3:7

Benu lafwana mu uyaaba lo: Babali na imiinu mu Nzambi, ni bo bali baana ba Abrahami.

1 Peetelo 2:10

Tsomi, benu a laabeedi ibandu ve. Ka bunuubu, benu lika ibandu hya Nzambi. Benu ba laaveliyaka kwili lingebe, ka bunuubu Nzambi miikwila benu lingebe.