Luuka 16:28 - Musamu wu Mubwe

²⁸ mu toni ati, huuna me na baana ba ngu bataanu. Nde ayayabisa bo, mana bo ka a baya hutso a mbuha munyongi yiniyi.”

Luuka 16:28 ပူးပေါင်းရင်းမြစ်များ

Luuka 16:27

Isina ni uleele: “Kolo-kolo a we taata, ka ni tsindaha ati Laazaro hu nzo a taata a me,

Mavanga 10:42

Yisu atumi bisu mu ulongese Musamu wu Mubwe huli baatu. Nde atumi bisu mu usilasa ti, nde ni wu Nzambi hatsahisi mu uba nzonzi a babali monyi na babaakwa.

Mavanga 18:5

Ka bu Silaasi na Timoteho baamati hu itanzi hya Masedonya, Pahuli asinzisalila tangu a nde, mu ubaalongese mambu ma Nzambi. Nde akasilasa huli Bayudaayo, ti Yisu ni Masiya.

Mavanga 2:40

Peetelo abweleele bo mambu mamalahi makima, mana bo bayuhala nde, na nde akayibusa bo na ubaaleele bo: «Siingani liyobolo, mana benu aliyaka tsyembili a baatu mobaniba ba banyambana.»

Mavanga 20:21

Me anzaabisi huli Bayudaayo na Bangeleke, mu usobo mbiili a bo nzyeni. Me ambwenzaabisa bo mu ukiinguha huli Nzambi, na usiingama mu Pfumu a bisu Yisu.»

Mavanga 20:23

Li me nzaabi ni ti, Livupu la Ngidi lili mu uyibusa me: “Mu pasi musyenge, kondaayi na mapasi bili mu ukeele we.”

Mavanga 20:24

Ka mu me, idiingu hya me a hili na tsoongo ve. Hya tsoongo huli me, ni mu ukuhasa ma me ndi mu utsa, na isalu hi Pfumu Yisu hamiiva me. Isalu mo, ni ulongese Musamu wu Mubwe wu litondo la Nzambi.»

Mavanga 23:11

Butsuhu bu bwaduukili, Pfumu ayamonehele na Pahuli na aleeli: «Hwada! Mu toni ati we miitiila me imbangi huni, hu Yeruselemi. Ni buuna, we afwana ka uta me imbangi hu musyenge a Looma.»

Mavanga 26:22

Ka Nzambi li mu ukeelese me nate loloyi. Na me ndi ŋa mu uta imbangi hya me huli baatu boosi, huba bangebe tso bakuutu. Me ndi mu undoongese pila mosi ma mimbihuli mya tangu yikulu na Moose, baayabisi, mi myafwana uvangama mu Kristo.

Mavanga 28:23

Bo baabwesoolo ilumbu ikima, hi ubwepfuutana na Pahuli. Bu ilumbu mohina hyatoodi, bo baayeni huli nde, mu litangu lililahi li laafulala la tsomi. Imoho hyabaandihi ŋa ngwali nate ŋa tsitsaha. Mu ndongisili a nde, Pahuli akalongese na ubindula mambu ma Ipfumu hya Nzambi. Nde akabindula bo mikele mya Moose, na mihanda mi mimbihuli mya Nzambi myasonihi, mana nde abita bo mu ukangama mu Yisu.

Mavanga 8:25

Bu baamani uta imbangi mu Yisu Kristo, mu ubaayabisa mambu ma Pfumu, bilumbi bibyole byafutihi hu Yeruselemi. Mu nzila, bo baakayabisa Tsangu Yimbwe mu mala mamalahi ma Samariya.

Ngalaatiya 5:3

Me ndi mu umbwetsitasa lo siitasa likima, huli pasi muutu wu bali mu ukete: nde afwana ubaasiingala Mikele myosi.

1 Tesalonika 2:11

Benu liyaabi ti, bisu laaba mu pasi muutu mu benu, we bu taata ali mu baana ba nde.

1 Tesalonika 4:6

Mu musamu mo wunuwu, pasi muutu avelemwese mwana a ngu a nde pasi, tso uyibala nde. Nzambi yaabi usyembe pasi bubi bwa pila yiina. Bisu laamiileele benu lo, na laamiiyibusa benu mu toni a lo.