Luuka 16:15 - Musamu wu Mubwe

¹⁵ Yisu aleeli bo: «Benu libaasaha umonehele babaakuha ŋa busu bwa baatu, ka Nzambi yabi mitima mya benu. Mu toni ati bi bili bibibwe ŋa busu bwa baatu, a bili na kaluha ŋa busu bwa Nzambi ve.

Luuka 16:15 ပူးပေါင်းရင်းမြစ်များ

Luuka 10:29

Ka Ngeele mikele bu hasahi umwese ti hyuhu hya nde hyakuha, nde afuuli Yisu: «Muutu naawe a me na?»

Luuka 11:39

Pfumu ni uleele huli nde: «Mono buni benu lili, benu Bafarisi: benu libaaswaha mu utsyemese imbadi hi mambuungu na bikombe bya benu, ka hutso mitima mya benu hwaluula mu nzala uyiba na mamabi.

Luuka 18:11

Mufarisi akasambila mutele hutso mutima a nde bunuubu: “Nzambi a me, me ndi mu upfutala we matondo, bu me apele we baatu bakima: ba bali bayibi, bababi, na banga mayamba. Baatu mobaana bali we mukambi limandu mowunuwu.

Luuka 18:14

Yisu abweleele: «Me ndeele benu, bahala molinili afutihi hu nzo a nde, na Nzambi amoni nde wu akuha, ka a Mufarisi mowunuwu ve. Ka pasi nde wuuna wu ubaasyenoho sa bakulamasa; pasi nde wuuna wu ubaakulamana, sa basyenolo.»

Luuka 18:21

Bahala laafutili: «Me akuhisi mikele momina myosi umata bufudu bwa me.»

Luuka 18:9

Yisu abweta sahu molinili, mu toni a baatu ba baakatsima ti, bo baasungama ŋa busu bwa Nzambi. Baatu mobaana baakarokolo bana. Yisu aleeli:

Luuka 20:20

Buuna, bo baakakete Yisu. Mono bu bo baatsindihi nde baatu ba baakamonehele we banga butsitu, mu ubaayuha ma nde hakalongese. Baatu mobaana baatehi nde mweto mu hyuhu, mana bo babahila nde toni mu bitoyili bya nde, yi uyeholo nde huli lituma li bapfumu ba tsi.

Luuka 20:47

Bo bubaapatula bisiha bi bakwili na, bubaasa masambulu ma mala mu umonehele ba babwe ŋa miisu ma baatu. Nzambi sa asyembe bo na bukanyi.»

Yowani 2:25

Nde a habeedi na nzala ti muutu ayabisa nde pasi dyambu li litala muutu ve, mu toni ati nde aba ayaaba ma mali mu mutima a muutu.

Yowani 21:17

Nde ni ubweleele nde leele li mutatu: «Simoni, mwana a Yowani, we atondo me?» Peetelo amoni lingebe bu Yisu haleeli nde, leele li mutatu: «We atondo me?» Na nde afutili: «Pfumu, we yabi mambu moosi. We yabi ti me atondo we!» Yisu aleeli nde: «Bungala mameme ma me!

Mavanga 1:18

Mu mbongo yi baaviidi mu pfuta lisumu la Yuda, baasumbili nde ngundu. Ni hutso a ngundu moyiina, nde habwidi mutswe mu toto, monyi a nde atubihi na bihati bya nde byosi byasudimi.

Mavanga 1:24

Baasambili bunuubu: «Pfumu, we ni wu yabi mitima mya boosi. Mwese bisu, na we sooli ŋa hati la baboole baniiba,

Mavanga 15:8

Nzambi wu yaabi matswehi ma mitima mya baatu, aviidi huli ba baavele Bayudaayo Livupu la Ngidi. Nde haviidi bo Livupu la Ngidi, we bu hasiidi mu bisu, mu umwese ti nde a hatimba bo ve.

Looma 3:20

Ka muutu tso mumosi utwala uba wu akuha ŋa busu bwa Nzambi ve, bu nde huvanga moosi ma Mikele mili mu utuma. Mu toni ati, nzaabili masumu ubaaya mu nzila mavanga ma Mikele.

Looma 8:27

Na Nzambi wu ubaafundala idongi hi mitima, ubaabangula ma Livupu la Ngidi ubaatondo uvondo. Mu toni ati, Livupu libaasambila mu ba nde, we bu Nzambi ubaatondo.

1 Peetelo 3:4

Ka yoli-yoli a nyutu a benu, yafwana uba ya hutso mutima. Ni yoli-yoli yi yuvelebiya, yi livupu li bulembo na la hyenze. Ni liina lili la talu ŋa busu bwa Nzambi.

1 Peetelo 5:5

Ni bumosi kaka, benu pfudu-mbahala, baani hutsina lituma la ba baakulala benu. Na benu boosi, lwataani kulimini mu itwadi hya benu. Mu toni ati, ma Baasonehe mali mu uleele ti: «Nzambi ubaatelemene banga likwayi, ka nde ubava hyese hya nde huli banga a kulimini.»