Luuka 15:6 - Musamu wu Mubwe

⁶ Bu nde hufutaha hu nzo, nde sa ateele bambaahi ba nde, na ba mu mivanga mya nzo a nde, na uleele bo: “Baanaani mu kinya na me, bu me miitsoolo lindombo la me lili beedi laadimbala.”

Luuka 15:6 ပူးပေါင်းရင်းမြစ်များ

Luuka 1:58

Tungi la bula, na baatu ba ibandu hya Lisabeti, baayuhi ti Pfumu amwesi kwili a nde lingebe huli nde. Na bo baasangili itwadi na nde.

Luuka 15:10

Ni bumosi ka, me ndeele benu, huli na kinya ŋa hati li bapofi ba Nzambi mu toni a nga masumu mumosi wu misobo mbiili.»

Luuka 15:24

Mu toni ati mwana a me wu beedi amiikwa, miisuuha; nde beedi amiidimbala, miisoloho.” Na bo baabandihi mukungi.

Luuka 15:5

Ŋa nde amiisoolo lo na kinya yoosi, nde sa atsyete na ususa lo ŋa yulu bisambaha bya nde.

Luuka 15:7

Ni buuna ka, me ndeele benu, kinya yi yafulala sa yiba hu yulu huli Nzambi mu muutu mumosi wu misobo mbiili a nde. Kinya moyina yaluta ya baatu maku ipfwa na ipfwa ba baavelesobo mbiili a bo.

Yowani 15:14

Benu lili bambaahi ba me, tso benu lili mu usa ma me ndi mu utuma benu.

Yowani 3:29

Wu abaha mukadi na? Ni mulumi a nde! Ka mu mukungi makwele, mbaahi mulumi ni wu ubaatsahala ŋa pedu mulumi, na ubaayuhala nde. Nde ubaamono kinya yi ndahi mu uyuha ndaha mulumi. Kinya moyiina ni ya me, na yo yili yi yaakuha.

Mavanga 11:23

Bu nde hayato huuna, nde amoni buni Nzambi hasyemi ba baasiili nde hiitu. Nde amoni kinya na ahwadisi bo boosi mu ukangama na hiitu hyosi mu Pfumu.

Mavanga 15:3

Libundu laaviidi bo likumbasa li lafwana mu uvangimasa mudyenge mowuna. Bo baavyohi mu mukesu bitanzi bya Fenesiya na Samariya. Bo baakayabisa buni ba baavele Bayudaayo baasobi mbiili mu usa hiitu mu Nzambi. Ikumbu mohinihi hyakamwese kinya yinene huli baana ba ngu boosi.

Filiipo 1:4

Tangu yoosi yi me ndi mu utsambila mu benu, me ubaasambila na kinya.

Filiipo 2:17

Na tso makila ma me matsoli, we ikuku hi bungodu bu benu libaava huli Nzambi mu imiinu hya benu, me umono kinya. Me umba mu kinya itwadi na benu boosi.

Filiipo 4:1

Ni mu buuna, baana ba ngu ba litondo, me na lehemene li ubwemonono na benu! Benu lili kinya a me na mutata a me wa monyi. Benu ba lili bambahi ba me, kwilalaani ba baakangama mu Pfumu.

1 Tesalonika 2:19

Ni benu, a baatu bakima ve, lili hiitu hya bisu, kinya a bisu na iliimbu hya mbiingili a bisu, yi bisu luutwala usa nyeme ŋa busu bwa Pfumu a bisu Yisu Kristo, ŋa nde huuya.

1 Peetelo 2:10

Tsomi, benu a laabeedi ibandu ve. Ka bunuubu, benu lika ibandu hya Nzambi. Benu ba laaveliyaka kwili lingebe, ka bunuubu Nzambi miikwila benu lingebe.

1 Peetelo 2:25

Mu toni ati, benu laabeedi we «mameme ma maadimbala». Ka bunuubu, benu limiifutaha huli Mubungili a benu, na Keedi mivuumu mya benu.