Luuka 15:28 - Musamu wu Mubwe

²⁸ Ka mwana wu mukuutu abahi kesi na a hatondi ukoto mu nzo ve. Taata a nde apali mu uyabondo nde mu ukoto.

Luuka 15:28 ပူးပေါင်းရင်းမြစ်များ

Luuka 13:34

Yeruselemi, we musyenge a Yeruselemi, we wu ubaaduba mimbihuli na uduba mu mamanya ba Nzambi ali mu utsindaha we! Me tondi ukuukaha baana ba we, we bu tsusu ubaafuha baana ba nde hutso mapapi ma nde. Ka benu a laatondo ve!

Luuka 15:2

Bafarisi na bangeele ba mikele baakaŋono, na baakaleele: «Muutu mowunuwu li mu uyaka banga masumu na nde li mu udya na bo.»

Luuka 15:27

Musalili afutili nde: “Muhehe a we miyafutaha. Na taata a we miituma uduba mukole a ngombe a tsoongo, mu toni ati mwana a ngu a we miyafutaha polo.”

Luuka 15:29

Na nde afutili huli taata a nde: “Taata! Huka bilima bibilahi me ndi mu utsalila we. Me kini a hambisili we ve. Ka we kini a havidi me tso mukole a taba me kaka tsiidi mukungi na bambaahi ba me ve.

Luuka 24:47

Bo baabwesonehe ti, sa balongese mu nduhi a nde, Musamu wu Mubwe huli baatu ba matsi moosi. Mana bo basobo mbiili a bo, na bayaka nyahulili masumu. Bo sa batswamina ulongese mo hu musyenge a Yeruselemi.

Luuka 5:30

Bafarisi na milongisi mi mikele baakaŋono na baakaleele huli bayihi ba nde: «Muhima benu lili mu udya na unywa na bakaambi ba limandu, na banga masumu?»

Luuka 7:39

Mufarisi wu ateeli Yisu mu udya amono buuna, aleeli hutso mutima a nde: «Tso muutu mowunuwu beedi mumbihuli wa mbuli, kini nde kiyaba na li mukaasu wu mibembe nde, na mbiili a nde. Nde kiyaba ti mukaasu mowunuwu imbembo ali.»

Mavanga 13:45

Bu Bayudaayo baamoni konge a baatu moyina, bo baaluuli mu nyengi. Na baakatuna ndongisili a Pahuli ti yi upfuta, na baakatuha nde.

Mavanga 13:50

Ka Bayudaayo baasimbilili bakaasu ba biita lilinene, ba baakayusa Nzambi, napa bangeele ba musyenge. Bo baatsumbili kwamisili ya Pahuli na Baranabasi, na baabingi bo mu itanzi hya bo.

Mavanga 14:19

Bayudaayo ba baamati hu misyenge mya Antyokya na Ikoniwumi baayatumbasa konge. Baateti Pahuli mamanya mu uduba nde, na baadutihi nde hu mbadi musyenge, bu baatsimi ti nde miikwa.

Mavanga 14:2

Ka Bayudaayo bakima ba baavelisa hiitu mu Pfumu, baatumbisi ba baavele Bayudaayo mana bayalwanisa baana ba bangu ba bo ba baasiidi hiitu.

Looma 10:19

Me ndi mu umbwepfuula: baatu ba Isereli kini a baatsikaha ve? Moose aba ni muutu wa tsomi mu ufutala mvutu: «Me utsa ti benu liba na likwabi mu ibandu hi bangooyi, huleeli Nzambi, me utsimbalala kesi a benu mu baatu ba baavele na buyedi.»

1 Tesalonika 2:16

Bo bali mu ukala bisu mu ulongese huli ba baavele Bayudaayo, Mambu ma Nzambi ma mu ubehele bo liyobolo. Bo bali mu ukulasa itesi hi masumu ma bo baasidi. Ka kesi a Nzambi yamiibwila bo.