Luuka 14:13 - Musamu wu Mubwe

¹³ Ka ŋa we tondi uvanga mukungi wu udya, tsiha biyaha, banga bipiha, banga maatsode na binzimana.

Luuka 14:13 ပူးပေါင်းရင်းမြစ်များ

Luuka 11:41

Ni mu buuna, baavaani biyaha bisiha biina bi bili hutso mambungu na bikombe bya benu. Na byosi sa biba bi byatsyeme huli benu.

Luuka 14:12

Titswene Yisu aleeli huli wu atsihi nde hu mukungi: «Ŋa we ubaava ilaambu hya mwangulu tso hya tsitsaha: a tsiha bambaahi ba we ve, tso baana ba ngu a we, tso ikuta hya we ve, tso banga busina babali bebele a we ve. We usa buuna, bo ka sa batsiha we hu udya, mu ufuta bi we vidi bo.

Luuka 14:14

Na we sa ba mu kinya, mu toni ati bo a bali na bi usyende we ve. Nzambi sa afuta we Humbisa a tsuhili lipfu ya ba baasungama.»

Luuka 14:21

Ŋa musalili hayafutaha, nde ayabisi pfumu a nde maamvutu moosi. Buuna nga nzo afwengi na aleeli musalili a nde: “Yene mawasa mu mambuha ma baatu babalahi na mu maluuha ma mutso musyenge, na behe biyaha, banga bipiha, binzimana na banga matsode.”

Mavanga 9:39

Peetelo atelimi, ayeni na bo. Bu nde hayato, baabiti nde hu itini hya nzo hya hu yulu. Bakwili boosi baayasusaha bebele na nde mu ulila. Bo baamwesi nde bikutu na biyunga bi Tabita hatungi ŋa nde haba kini monyi.

1 Timoteho 3:2

Mutumi libundu afwana uba wu avele masyembo, mulumi a mukaasu mumosi, nga mbiili yi yasungama, nga tsiki, nga butsitu na wu akuha. Nde afwana uba muyaki a byenyi na wu utwala ulongese libundu.

1 Timoteho 5:10

Baafwana utiila nde imbangi mu mavanga mamabwe, bu nde habuhisi baana ba nde, bu hakayaka baatu bubwe. Bafwana utiila nde imbangi kaka, bu hakaswaha miilu mya baatu bangidi, bu hakakumbasa banga pumbu, na bu haba hakangama mu mavanga moosi mamabwe.

Tiite 1:8

Ka nde afwana uba muyaki a byenyi, buuna ni bubwe. Nde afwana utondo mavanga mamabwe, muutu nga tsiki, wu asungama, wa ngidi, wu ayaba ukuka linyutu la nde.

Filemoni 1:7

Mwana a ngu a me, litondo li we amwesi laaviidi me kinya yindahi na kwadili. Mu litondo moliina, we ahwadisi kaka mitima mya babalahi ŋa hati li libundu.