Luuka 12:32 - Musamu wu Mubwe

³² A ba na boomo ve, we mwana a konge biboodi! Mu toni ati Taata a benu mimono bubwe mu uva benu Ipfumu hya nde.

Luuka 12:32 ပူးပေါင်းရင်းမြစ်များ

Luuka 10:21

Ndulu mu tangu moyina, Livupu la Ngidi laluusi Yisu mu kinya, na nde afulihi: «Taata, Pfumu a yulu na toto, me ndi mu uyusa we mu toni ati we miimwese huli bikenyi mambu ma we avelimwese huli biyedi. Eye, Taata, ni buuna bu we mwakulu atondo.

Yowani 18:36

Yisu ni ufutala: «Ipfumu hya me a hili hya tsi moyiniyi ve. Tso ipfumu hya me hikiiba hya tsi moyiniyi, kini basalili ba me bamiikalana me, mana bavelevahula me huli bakuutu ba Bayudaayo. Ka a buuna ve, ipfumu hya me a hili hya tsi moyiniyi ve.»

Mavanga 20:28

Kebaani, mu toni a benu mwakulu, na mu biboodi bi Livupu la Ngidi haava benu mu ukeelese. Baani bakeelisi ba biboodi bababwe ba libundu li Nzambi hasumbi, mu lipfu la Mwana a nde mwakulu.

Mavanga 20:29

Me nzaabi ti bu me utehe mbisa, baatu babaafwana na miinzi mi bukanyi, sa bakotelele libundu mu umana konge biboodi.

Looma 6:23

Ka pfuta a masumu ni lipfu, ka ikuuku hi Nzambi ubaava mu bungodu, ni monyi wu bilima na bilima itwadi na Yisu Kristo, Pfumu a bisu.

Filiipo 2:13

Ka ni Nzambi li mu uva benu matwala ma ukana na uvangimasa mambu, we bu hu li litondo la nde.

2 Tesalonika 1:11

Ni mu buuna, bisu libaasambila tangu yoosi mu benu. Bisu libaavondo huli Nzambi a bisu mu ukitusa benu ba baakuha, mu teelili yi benu laayaka. Bisu lili mu uvondo ti, mu matwala ma nde, nde akumbasa benu mu ukuhasa peyu a benu mu uvanga mamabwe, mana imiinu hya benu himonehele mu mavanga.

2 Tesalonika 1:5

Ŋaniŋa huli mu umwese huli baatu boosi iliimbu hya ti, tsuundusu a Nzambi yili yi butsitsa. Mapasi ma benu lili mu ukunda, mali mu uva benu muswa mu umonehele ba bakuha mu ukoto mu Ipfumu hya Nzambi. Ipfumu hi benu lili mu umono mapasi mu hyo.

Yaki 2:5

Yuhani baana ba ngu a me ba litondo, Nzambi asooli biyaha bya ŋa toto, mana byo biba bisina mu imiinu. Bisina mu imiinu byuba babahi ba mukobe a Ipfumu hi Nzambi hasiidi lahi, huli ba bubaatondo nde.

2 Peetelo 1:11

Ka ni buuna Nzambi husiingasa benu kotili mu Ipfumu hi bilima na bilima, hya Pfumu na Muyobili a bisu Yisu Kristo.