Luuka 12:21 - Musamu wu Mubwe

²¹ Yisu abwesi: «Ni buuna ka huli muutu wu ubatsonzehe busina mu nde mo, na wu aveletsonzehe biloho bi byayelemene ŋa busu bwa Nzambi.»

Luuka 12:21 ပူးပေါင်းရင်းမြစ်များ

Luuka 12:33

Sumbasaani bisiha bi benu lili na byo byosi, na vaani mbongo huli biyaha. Vangaani bapaala ba mbongo ba baavelebiiya, kukahani busina bu bu uvelefwa hu yulu, hu bwo bu uveledimbala. Mu toni ati, huuna biibi utwala uto ve, na batsyedidi utwala ubiyasa bwo ve.

Luuka 16:11

Ni mu buuna, tso benu a lili na imbuli mu busina bu upfuta ve, na uva benu busina bwa mbuli?

Luuka 6:24

Tsyembili huli benu bisina, benu laamitswamina ukanga mbombisili a benu!

Looma 2:5

Ka mu toni a kamini mutima a we, we a hasobo mbiili ve. Buuna, we li mu ukuukaha ŋa yulu a we mwakulu kesi yinene, mu ilumbu hi Nzambi humwese kesi a nde, na tsundusu a nde ya tsiitsa.

1 Timoteho 6:9

Ka ba bubaasaha uba bisina, baamiibwa mu lobese na mu mweto manzala mamabi ma maavele na tsongo. Manzala momaana mubaabiyasa baatu na ubita bo hu lipfu.

Yaki 2:5

Yuhani baana ba ngu a me ba litondo, Nzambi asooli biyaha bya ŋa toto, mana byo biba bisina mu imiinu. Bisina mu imiinu byuba babahi ba mukobe a Ipfumu hi Nzambi hasiidi lahi, huli ba bubaatondo nde.