Luuka 12:17 - Musamu wu Mubwe

¹⁷ Nde akabaatsima hutso mutima na ubaaleele: “Me ka buni utsa! Me a ndi na mbuha yinene mu uswehe mbutu a me yoosi ve.”

Luuka 12:17 ပူးပေါင်းရင်းမြစ်များ

Luuka 10:25

Ngeele mikele mumosi, atelimi na afuuli Yisu mu uyebe nde: «Mulongisi, hima me apfwana usa mu ubaha monyi wu bilima na bilima?»

Luuka 11:41

Ni mu buuna, baavaani biyaha bisiha biina bi bili hutso mambungu na bikombe bya benu. Na byosi sa biba bi byatsyeme huli benu.

Luuka 12:16

Yisu atiidi bo sahu moli: «Isina imosi hya bahala hyaba na bwadi bu bwabuti mbutu yindahi.

Luuka 12:18

Na nde abweleele mu nde mo: “Mono bu me utsa: me tsa tsala biswehili bya mbutu a me, me tsa mbwetunga biswehili bi byafulala bunene. Ni huuna me ukuukaha mbutu a me yoosi, na bisiiha bya me byosi.

Luuka 12:22

Titswene Yisu abweleele bayihi ba nde: «Ni mu buuna me ndi mu undeele benu: a liba na matsimi mu idiingu hya benu, mu bi benu luudya, buve mu nyutu a benu, mu bi benu lu ulwata ve.

Luuka 12:29

Benu, nyahani matsimi mu bi benu luudya na bi benu lunywa, tso byukwana.

Luuka 12:33

Sumbasaani bisiha bi benu lili na byo byosi, na vaani mbongo huli biyaha. Vangaani bapaala ba mbongo ba baavelebiiya, kukahani busina bu bu uvelefwa hu yulu, hu bwo bu uveledimbala. Mu toni ati, huuna biibi utwala uto ve, na batsyedidi utwala ubiyasa bwo ve.

Luuka 16:3

Ikanga-koome atsimi hutso mutima a nde: “Pfumu a me ka mu umaasa me mu isalu. Me buni utsa? Me a ndi na mifudi mi myakuha musala tooto ve. Me tsamba na tsonyi mu usa musohi.

Luuka 16:9

Na Yisu abwebwese: «Na me, me ndeele benu, salilaani busina bu upfuta mu uvanga bumbaahi na baatu. Mana bu busina mo bufwa, bambaahi bayaka benu hutso manzo ma mu ukwilala bilima na bilima.

Luuka 18:22

Bu Yisu hayuhi maana, nde aleeli: «Hyamiivele huli we isiha imosi: sumbasa byosi bi we li na byo, kaba kaluha a fwanda huli biyaha. Vanga buuna, we ubaha busina bwa hu yulu. Titswene yanga na duukala me.»

Luuka 19:17

Pfumu aleeli nde: “We siidi bubwe. We musalili wu mubwe, mu toni ati we mi mwese imbuli mu mwa bisiha bya hole. Me piidi we lituma li misyenge kuumi.”

Luuka 3:11

Nde afutili bo: «Nyaha muutu wu uli na biyunga byole, akaba imosi huli wu avele na hyo. Na wu uli na byudya, akabila bana.»

Mavanga 16:30

Keedi apalisi bo na aleeli: «Pfumu, hima me apfwana mu usa, mana me kaka nzoboho?»

Mavanga 2:37

Baatu babaayuhi mambu momaana baakimuhi hu ulahi. Bo baafuuli Peetelo na bilumbi bina: «Baana ba ngu, bisu hima lafwana usa?»

Looma 12:13

Baakumbasaani baana ba ngu ba bali na nzala likumbasa, na baayakaani bubwe tangu yoosi, ba bali mu uya mu manzo ma benu.

1 Timoteho 6:17

Leele huli banga busina ba tsi moyiniyi, baveleba na isayi. Leele bo bavelesa hiitu hya bo mu busina bu bubaadimbala, mu toni ati, bwo a buudinga ve. Ka nyaha babaasa hiitu hya bo mu Nzambi, wu ubaava bisu byosi bi byafulala, mana bisu liba mu kinya.

1 Yowani 3:16

Mono buni lafwana uyaba litondo hima lo lili: Yisu Kristo ayehuli muvumu a nde mu bisu. Ni buuna, bisu kaka lafwana uyeholo mivumu mya bisu mu baana ba ngu a bisu.