Luuka 11:39 - Musamu wu Mubwe

³⁹ Pfumu ni uleele huli nde: «Mono buni benu lili, benu Bafarisi: benu libaaswaha mu utsyemese imbadi hi mambuungu na bikombe bya benu, ka hutso mitima mya benu hwaluula mu nzala uyiba na mamabi.

Luuka 11:39 ပူးပေါင်းရင်းမြစ်များ

Luuka 16:15

Yisu aleeli bo: «Benu libaasaha umonehele babaakuha ŋa busu bwa baatu, ka Nzambi yabi mitima mya benu. Mu toni ati bi bili bibibwe ŋa busu bwa baatu, a bili na kaluha ŋa busu bwa Nzambi ve.

Luuka 7:13

Pfumu amoni mukwili na aluuli mu lingebe mu nde, na aleeli: «Nyaha ubwe lila!»

Luuka 7:19

Nde ni utsindaha bo huli Pfumu mu ufula: «We ni Masiya wafwana uya, vo bisu lafwana ukeele mukima?»

Yowani 12:6

Nde a haleeli buuna mu toni a kwili lingebe mu biyaha ve, ka mu toni ati nde aba muyibi. Bu nde hakakanga koome yi itwadi, nde akayiba mbongo yi baakasuusa muuna.

Yowani 13:2

Bu Yisu na bayihi ba nde baakadya ilambu hya tsitsaha, Mukuyi aba amiikotele mutima a Yuda, mwana a Simoni Isikariyoti, mu usumbasa Yisu.

Mavanga 5:3

Peetelo aleeli nde: «Ananya, muhima Satana hamiituma we mu uvanga buuna? We miipfuta Livupu la Ngidi na uswehe ibadi hya mbongo a toto.

Ngalaatiya 1:14

Me akapfula ubwaha ŋa hati li Bayudaayo ba tungi la me, mu ukuhasa bukulu bu Bayudaayo. Me amba apfulala bo lehemene ŋa busu bu bukulu bu bakaaha ba bisu.

2 Timoteho 3:5

Bo sa bayusa Nzambi hutso muwala, ka bo bubaatuna ti matwala ma Nzambi matuma idiingu hya bo. Tahuha na baatu mo baana.

Tiite 1:15

Byosi bili bi byatsyeme, huli ba bali batsyeme. Ka isiha tso imosi a hili hi hyatsyeme, huli ba baasumaha na ba baavelesa hiitu ve. Mu tonyi ati, buyedi bwa ba baasumaha na matsimi ma mitima mya bo, bili bi byasumaha.

Yaki 4:8

Yasusahani huli Nzambi, na nde uyasusaha huli benu. Swahani myoho mya benu, benu baatu banga masumu. Tsyemesaani mitima mya benu, benu banga a moole-moole.