Luuka 10:2 - Musamu wu Mubwe

² Nde akaleele bo: «Ngundu yili yinene, ka basali bali babakeehe. Ni mu buuna, vondwani Pfumu a ngundu, mana nde atsindaha basali mu uyakoolo mbutu mu ngundu a nde.

Luuka 10:2 ပူးပေါင်းရင်းမြစ်များ

Luuka 9:1

Yisu bu hakungi kuumi na bilumbi byole, aviidi byo matwala na lituma mu ubingasa matengo moosi, na mu ubeeloso mabeedu.

Mavanga 11:19

Mbingisili yi yabwidi mu tangu yi baadubi Etyene, yaatumisi banga hiitu mu utsamuha. Bamosi ŋa hati la bo baayeni nate hu itanzi hya Fenesiya, hu iliiŋa hya Kipere na hu musyenge a Antyokya. Ka bo baakalongese mambu ma Nzambi ndulu huli Bayudaayo.

Mavanga 13:2

Ilumbu imosi, bu bo baakasambila Pfumu na bu bo baakadya ikaandi, Livupu la Ngidi laayabisi bo: «Vengolwani Baranabasi na Sahuli, mu toni isalu hi me ateele bo mu hyo.»

Mavanga 13:4

Livupu la Ngidi laatsindihi Baranabasi na Sahuli. Bo baakulimini hu ngulu yi makuumbi ma nzali mubaatsikama, hu bo baanami mu likuumbi la nzali mu uyene hu iliiŋa hya Kipere.

Mavanga 20:28

Kebaani, mu toni a benu mwakulu, na mu biboodi bi Livupu la Ngidi haava benu mu ukeelese. Baani bakeelisi ba biboodi bababwe ba libundu li Nzambi hasumbi, mu lipfu la Mwana a nde mwakulu.

Mavanga 22:21

Pfumu aleeli me: “Yene, na me tsa tsindaha we hu lala, huli ba baavele Bayudaayo.”»

Mavanga 8:4

Banga hiitu ba baatsamuhi baakataangila tsi, na ubaayabisa Tsangu yi Mbwe.

Filiipo 2:21

Mu toni ati, boosi ubaavangimasa ndulu kaluha a bo mwakulu, hwavele uvangimasa ma Yisu Kristo ali mu utondo ti bo bavangimasa.

Filiipo 2:25

Benu laatsindihi me Epafodite, mu ubehele me likumbasa li me amba na lo nzala. Ka me moni bubwe, mu ufutala benu nde, nde wuli mwana a ngu a bisu, tsyengi a me wu isalu na wu midingu.

Filiipo 2:30

mu toni ati, nde abeedi bebele na lipfu mu usala isalu hya Kristo. Nde avahuli idiingu hya nde, mu ubehele me likumbasa, li benu laavelitwala ubehele me benu mwakulu.

1 Tesalonika 2:9

Baana ba ngu, benu lili mu uyibwala monyi mu mapasi ma bisu na ikolili hya bisu. Ni mbuli bisu laakalongese benu Musamu wu Mubwe wa Nzambi hwavele ukolo. Bisu laakasala nyangu na butsuhu, mu ubweveleva mupfuna huli pasi nde ŋa hati la benu.

1 Tesalonika 5:12

Baana ba ngu, bisu livondi benu mu ubaakiinza ba bali mu usala na bugeele bwosi ŋa hati la benu. Baakiinzaani ba bali mu usuungaha benu mu nduhi a Pfumu, na ba bali mu uyelese benu.

2 Tesalonika 3:1

Mu umana, baana ba ngu, baasambilaani mu bisu, mana mambu ma Pfumu matsamuha mu mawasa na bakiinza mo matsyelo makima, we bu bali mu ukiinza mo huli benu.

1 Timoteho 4:10

Bisu libaasala na libaahumba, bu bisu lasuusa hiitu hya bisu mu Nzambi a monyi, wuli Muyobili a baatu boosi, fula-fula ba baakangama mu nde.

2 Timoteho 4:5

Ka we, kuta linyutu la we mu moosi. Kunda mapasi, yabisa Musamu wu Mubwe, na kuhasa bu hwafwana isalu hya we hi musalili a Nzambi.

Filemoni 1:1

Me Pahuli, ikondaayi hya Kristo Yisu, na mwana a ngu Timoteho, lili mu usonehele muhanda mowunuwu huli Filemoni, tsyengi a bisu wu litondo.