Luuka 1:6 - Musamu wu Mubwe

⁶ Bo baboole baaba baasungama ŋa busu bwa Nzambi, na baakaduukala mikele mya Pfumu na tumili a nde we bu hwafwana.

Luuka 1:6 ပူးပေါင်းရင်းမြစ်များ

Luuka 1:7

Ka bo a baaba na mwana ve, mu toni ati Lisabeti aba inguma, na bo abeedi aka binunu.

Luuka 16:15

Yisu aleeli bo: «Benu libaasaha umonehele babaakuha ŋa busu bwa baatu, ka Nzambi yabi mitima mya benu. Mu toni ati bi bili bibibwe ŋa busu bwa baatu, a bili na kaluha ŋa busu bwa Nzambi ve.

Luuka 2:25

Hu musyenge a Yeruselemi hwaba na muutu mumosi, nduhi a nde Simeyoni. Nde aba wu asungama na nga likinzu ŋa busu bwa Nzambi. Nde akakeele muutu wu Nzambi hafwana utsindaha mu uyobolo bisu Isereli, na Livupu la Nzambi laaba ŋa yulu a nde.

Mavanga 2:25

Davidi aleeli mu toni a nde: “Me akamono Pfumu tangu yoosi ŋa busu bwa me, nde li ŋa mbahala a me, mana me peletsula likamba.

Mavanga 23:1

Pahuli asungimini pfuundu Bayudaayo, na aleeli: «Baana ba ngu, me miitsalila Nzambi te ilumbu hya lolo, hwavele munyongo tso hoole.»

Mavanga 24:16

Ni mu buuna, me ndi mu utsa mifudi mu uveleba na dyambu lilibi hutso mutima a me, ŋa busu bwa Nzambi, na ŋa busu bwa baatu.»

Mavanga 8:21

We a hali na kabu tso muswa mutso musamu mowunuwu ve. Mu toni ati, mutima a we a hali wu asungama ŋa miisu ma Nzambi ve.

Looma 8:4

Nzambi hasidi buuna, mana nde akuhasa mambu moosi ma butsiitsa ma Mikele mili mu utuma bisu. Mambu momaana, maafwana uvangama mu bisu ba laabweveledyata mu matsimi ma imuutu, ka ba lili mu udyata mu Livupu la Ngidi.

Filiipo 2:15

Mana benu liba baana ba Nzambi ba baatsyeme na ba baavele masyembo, ŋa hati la baatu ba tsi moyiniyi. Baatu ba bubaavanga mamabi na ba baatengeme matsimi. Benu lafwana ubaamwedeme we liyalala li libaayalusa tsi,

1 Tesalonika 3:13

Nyaha nde ahwadisa mitima mya benu, mana benu liba bangidi, ba baavele masyembo ŋa busu bwa Nzambi taata bisu, ŋa Pfumu a bisu Yisu huuya na bapofi ba nde boosi. Amen!

2 Peetelo 3:14

Ni mu buuna, bambahi ba litondo, bu lili mu ukeele ilumbu mohiina, hwadaani mu uba babaatsyeme. Baani babaavele masyembo ŋa busu bwa Nzambi, mu hyenze hi nde ali mu uva.

1 Yowani 2:29

Benu liyabi ti Kristo li wu akuha. Ni mu buuna, benu laafwana uyaba kaka ti, woosi wu ubaavanga mambu ma maasungama, li wu Nzambi habuta.

1 Yowani 2:3

Tso bisu libaasiingala mikele mya Nzambi, bisu lili na hiitu ti bisu liyaabi nde.

1 Yowani 3:7

Baana ba me, kebaani pasi muutu a hadungasa benu! Woosi wuli mu usalila butsitsa, akuha we bu Yisu ali wu akuha.