Luuka 1:32 - Musamu wu Mubwe

³² Nde uba wu munene, na bu ukaateele nde Mwana a Nzambi a Pungu. Pfumu Nzambi uva nde itsiha hi ipfumu hya Davidi, kaaha a nde.

Luuka 1:32 ပူးပေါင်းရင်းမြစ်များ

Luuka 1:15

Nde uba wu munene ŋa busu bwa Pfumu. Nde a hunywa vinye ve, tso pasi malamu ma mu ubaakolese ve. Nde uluula mu Livupu la Ngidi, ubandiha mu tso a monyi a ngu a nde.

Luuka 1:35

Pofi afutili nde: «Livupu la Ngidi lu ukulamana ŋa yulu a we, na matwala ma Nzambi a Pungu mu ufuuha we mu posi a mo. Ni mu buuna, mwana wa ngidi wu bu ubuta, sa bateele nde Mwana a Nzambi.»

Luuka 1:76

Na we, mwana a me, bu uteele we mumbihuli a Nzambi a Pungu, mu toni ati, we uteehele Pfumu mu uvangila nde nzila,

Luuka 3:16

Yowani afutili huli boosi: «Me, me ndi mu utondehe benu mu mamba. Ka, wu uli mu uya, afulala me matwala, na me a handi tso wu akuha mu uba muviha, mu unyangula midi mi bikodi bya miilu mya nde ve. Nde wuuna utondehe benu mu Livupu la Ngidi na mu mbaahu.

Luuka 6:35

Ka baatondwani baboho ba benu, baasiilaani bo mamabwe, baasombesaani hwavele ubaakeele ti bafutala benu. Buna musyendo a benu sa aba wu munene. Benu sa liba baana ba Nzambi a Pungu, mu toni ati nde li wu mubwe huli banga nyinga na banga bukanyi.

Yowani 12:34

Baatu baafutili nde: «Bisu laayiha mu libuuku li Mikele ti Kristo ukwilala bilima na bilima. Ka we buni we li mu uleele ti: “Mwana a Muutu bafwana usyenolo nde”? Mwana a Muutu mo ka na?»

Yowani 6:69

Bisu lili mu usa imiinu, na bisu liyaabi ti we ni Kristo, wa Ngidi wu Nzambi hatsindaha!»

Mavanga 16:17

Nde akaduukala Pahuli na boosi ba baaba na nde. Nde akabaafulaha mu mifudi: «Baatu mobaniba basalili ba Nzambi a hu hati a yulu. Bo bamiiyamwese benu, buni benu lafwana uyoboho.»

Mavanga 2:30

Ka nde aba mumbihuli, na nde akayaba ti Nzambi asiidi nde lahi mu mulabu. Lahi mo ti, mumosi ŋa hati li bikiisa bya nde, ukiisana nde ŋa ipfumu hya nde.

Mavanga 2:36

Ni mu buuna, baatu boosi ba Isereli baafwana uyaba mu mbuli yoosi ti: Yisu wu benu laakomini ŋa kuruwa, Nzambi amiibyalisa nde Pfumu na Kristo.»

Mavanga 7:48

Ka Nzambi a Pungu, a hubaatsahala mu manzo ma baatu baatunga mu myoho mya bo ve. We bu baasonehe mu buuku li mumbihuli:

Looma 1:4

Mu Livupu la Ngidi, Nzambi asooli nde mu matwala ma nde ti nde li Mwana a Nzambi, bu hasuuli nde ŋa hati la babaakwa. Ni Yisu Kristo Pfumu a bisu.