Looma 9:30 - Musamu wu Mubwe

³⁰ Hima luleele mu tangu yi? Bunuubu: baatu ba matsi makima ba baavelesaha uba ba butsiitsa ŋa busu bwa Nzambi, baaka ba butsiitsa ŋa busu bwa nde mu imiinu;

Looma 9:30 ပူးပေါင်းရင်းမြစ်များ

Looma 10:10

Mu toni ati, wu ubaasa imiinu mutso mutima a nde Nzambi ukitula nde wa tsiitsa. Wu ubaasilasa mu munywa a nde, Nzambi uyobolo nde.

Looma 10:20

Esaya aleeli na butuuta bwosi: «Me miitsoloho huli baatu ba baakavelesaha me, Me miimonehele huli baatu ba baakavelefuula me pasi dyambu.»

Looma 10:6

Ka mono buni butsiitsa bu bubaamata mu imiinu buli mu uleele: «A haleele hutso mutima a we: Na uvata hu yulu?» Mbindulili ni ti: mu usutasa Kristo.

Looma 3:5

Ka tso bubi bu bisu libaasa, buli mu umwese ti mbuli Nzambi li tsiitsa, buni luutwala uleele? Ti Nzambi a hali tsiitsa ve, ŋa nde ali mu unyangumasa kesi a nde ŋa yulu a bisu — Tso me ndi mu undeele buuna, maana ni matsimi ma me ma imuutu —

Looma 4:11

Na titswene, Abrahami ayaki ketili we iliimbu. Hyo hyaba we matala mu umwese ti Nzambi asiingi ukuha hwa nde mu imiinu. Ni buuna, bu Abrahami haba kini a baaketi ve, Nzambi abyalisi nde taata a boosi ba bubaasiila imiinu mu Nzambi. Baatu mobaana, Nzambi ubaasiinga bo kaka we ba baakuha, tso bu bo baabeedi kini a baaketi ve.

Looma 4:13

Ni mu buuna, Nzambi asiidi lahi huli Abrahami na imbisa hya nde, ti bo sa babyalila tsi. Lahi moliina basiidi lo, a mu toni ati Abrahami asiingili Mikele ve, ka mu toni ati Nzambi asiingi ti nde li wu akuha mu imiinu.

Looma 4:22

Ni mu buuna, bubaaleele mu Abrahami ti, mu toni imiinu hya nde, «Nzambi asiingi ti nde wu akuha.»

Looma 4:9

Kinya moyiina ndulu ya ba bali Bayudaayo, vo ti yo yili kaka yi bangoyi? Mu mbuli, bisu libaaleele ti: «Nzambi asiingi ti Abrahami wu akuha ali, mu toni imiinu hya nde.»

Looma 5:1

Ni mu buuna, bu bisu laaka ba tsiitsa mu imiinu, bisu lili mu hyenze na Nzambi mu likumbasa la Pfumu a bisu Yisu Kristo.

Looma 9:14

Buuna, hima lu uleelaani? Nzambi a hali wu akuha ve? Naana!

Looma 9:31

ka ba ibandu hya Isereli ba baakasaha uba ba butsiitsa ŋa miisu ma Nzambi mu likumbasa li Mikele, a baatwali ukiinza Mikele ve.

Ngalaatiya 2:16

Bisu liyaabi ti Nzambi ni wu ubaasa ti muutu aba wu akuha mu imiinu hya nde mu Yisu Kristo. Ka a bu nde ubaaduukala Mikele mya Moose ve. Mono buni bisu Bayudaayo kaka, laamiisa imiinu mu Yisu Kristo, mana bisu liba ba baakuha mu imiinu mu nde. Bisu a lili ba baakuha ŋa busu bwa Nzambi, mu kuhisili Mikele mominimi ve. Muutu tso mumosi utwala umonehele wu akuha ŋa busu bwa Nzambi, bu nde ubaakuhasa Mikele ve.

Ngalaatiya 3:24

Ni mu buuna, Mikele myaba we keedi wu ubita bisu huli Kristo. Mana bisu liba ba baakuha ŋa busu bwa Nzambi, mu nzila imiinu.

Ngalaatiya 3:8

Nzambi aleeli mu mambu ma nde, ti nde sa akitusa babavele Bayudaayo mu uba baatu ba baakuha mu imiinu ŋa busu bwa nde. Ni mu buuna, nde abweleele huli Abrahami dyambu lilibwe li: «Nzambi sa asyeme bibandu bya ŋa toto byosi, mu toni a we.»

Ngalaatiya 5:5

Ka bisu, ba laasa hiitu hya bisu mu Nzambi, bisu lili mu ukeele mu mutima a bisu woosi. Nde sa asungaha bisu ŋa busu bwa nde, mu matwala ma Livupu.

Filiipo 3:9

Me atsiidi buuna, mana bayabiisa me wu akangama mu nde mu butsiitsa bu imiinu mu Kristo. A mu butsitsa bwa me, bu buumata mu Mikele ve. Ka mu imiinu hi hyasiingama mu Kristo, me umba butsitsa. Ni butsiitsa bu buumata huli Nzambi.

1 Timoteho 6:11

Ka we muutu a Nzambi, bata maana moosi. Saha mbiili butsitsa, muyusu a Nzambi, imiinu, litondo, mukami, na isusi.

1 Peetelo 4:3

Hu tsomi, benu laavyosi tangu yindahi, mu ubaasa mavanga ma mubaava kinya huli ba baaveleyaba Nzambi. Benu laavahuli linyutu la benu mu bumbembo, mu mapeyu ma musunya, mu malaangi, mu mikungi mi udya na unywa, na ubaasambila bifwita.