Looma 9:23 - Musamu wu Mubwe

²³ Eye, we lima ubweleele, tso Nzambi asiidi buuna, mu umwese busina bu muyusu a nde huli bitehili bi nde hakwili lingebe. Bitehili bi nde hatswamini uvangimasa mu toni muyusu a nde.

Looma 9:23 ပူးပေါင်းရင်းမြစ်များ

Luuka 1:17

Nde uyene ŋa busu bwa Nzambi mu livupu na mifudi bi mumbihuli Eliya. Nde unongese mitima mi bataata na mya baana. Nde ufutala baatu ba baaveleyuhala Nzambi, mu uba ba baasungama. Na nde uvanga ibandu hya Pfumu hi hyafwana.»

Mavanga 9:15

Ka Pfumu afutili huli Ananya: «Yene, ka me miitsoolo nde mana me tsalila nde. Ni nde uyayabisa nduhi a me huli boosi ba baavele Bayudaayo na bapfumu ba bo, napa huli bisu Isereli.

Looma 2:4

Buve, we bubwe bu bunene bwa Nzambi ubaapenye, mu mukami a nde na bunene bu mutima a nde? We a hayabi ve ti bubwe bwa Nzambi buli mu ubita we hu usobo mbiili?

Looma 8:29

Buuna, mu baatu ba Nzambi hatswanimi usoolo, nde atswamini uvolo kesili mu ufwanisa bo na Mwana a nde, mana nde aba pasa-bibelo ŋa hati la baana ba ngu ba balahi.

Looma 8:30

Baatu ba Nzambi hatswamini usoolo, nde ateeli kaka bo. Ba nde hateeli, nde akitusi bo kaka ba butsiitsa ŋa busu bwa nde, ba nde hakitusi ba butsiitsa, nde aviidi bo kabu li muyusu a nde.

1 Tesalonika 5:9

Nzambi a hateele bisu mu ubwana tsyembili a nde ve, ka mu ubaha liyobolo mu Pfumu a bisu Yisu Kristo.

2 Timoteho 2:21

Ni mu buuna, tso muutu li mu uswaha linyutu la nde, na utahuha na mavanga mamabi maana, nde afwanina we bisalili bya tsalu, bya ngidi, huli nga byo, bya tsongo mu pasi mavanga mamabwe.