Looma 8:9 - Musamu wu Mubwe

⁹ Ka benu, benu a lili mu udyata hutsina lituma li musunya ve. Benu lili mu udyata mu Livupu la Nzambi, mu toni ati Livupu la Nzambi lili mu benu. Muutu wu avele na Livupu la Kristo, a hali wa nde ve.

Looma 8:9 ပူးပေါင်းရင်းမြစ်များ

Luuka 11:13

Ni mu buuna, tso benu ba lili banga bubi, benu li yaabi uva baana ba benu bisiha bibibwe. Tandisini a Taata wa hu yulu, buni nde hu uveleva Livupu la Ngidi huli boosi ba bali mu uvondo nde lo!»

Yowani 14:17

Mukaliini ni Livupu li imbuli. Livupu li baatu ba tsi buuveletwala uyaka. Mu toni ati, bo utwala umono tso uyaba lo ve. Ka uto ti benu, benu liyabi lo. Mu toni ati lo lili ŋa hati la benu, na lo sa likwilala mu benu.

Yowani 14:23

Yisu afutili nde bunuubu: «Tso muutu tondi me, nde akeelese mikuma mya me, na Taata a me sa atondo nde. Bisu sa liya huli nde, na bisu sa livanga nzo a bisu huli nde.

Yowani 3:34

Muutu wu Nzambi hatsindaha, ubaaleele mambu ma Nzambi. Mu toni ati, Nzambi ubaava nde Livupu mu iteesi hi hyafulala.

Yowani 3:6

Hi himiibutama mu musunya hili musunya, na hi himiibutama mu Livupu hili Livupu.

Mavanga 16:7

Bu bo baayato bebele na itanzi hya Misiya, bo baabahi tsimi yi uyene hu tsi ya Bitiniya. Ka Livupu la Yisu, a laviidi bo muswa ve.

Looma 7:5

Eye, ŋa bisu laaba hutso lituma li imuutu, manzaala ma mabi ma Mikele myakatuma, maakabaasala mutso linyutu la bisu loosi, mana bisu lisala bisalu bi byubita bisu hu lipfu.

Looma 8:1

Bunuubu, boosi ba baabambana na Yisu Kristo a bubweyaka tsyembili ve.

Looma 8:11

Tso Livupu la Nzambi, wuuna wu asuula Yisu ŋa hati la babakwa lili mu benu, Nzambi wuuna wu asuula Kristo ŋa hati la babakwa, sa ava kaka monyi huli nyutu a benu yi yukwa mu Livupu la nde li lili mu benu.

Looma 8:2

Mu toni ati, mukele a Livupu la Ngidi wu ubaava monyi mu likumbasa la Yisu Kristo, amiiva me bunyanga ŋa busu bu mukele lisumu na lipfu.

Ngalaatiya 4:6

Mu toni ati, benu ni baana ba nde, Nzambi atsindihi mutso mitima mya bisu, Livupu la Mwana a nde, Livupu li libaafulaha: «Abba! Taata!»

Ngalaatiya 5:24

Ka boosi ba bali mu Yisu Kristo baamiiduba linyutu la bo li masumu, na mapeyu na manzala ma lo.

Filiipo 1:19

mu toni ati mapasi momaana mu ubita hu liyobolo la me, mu nzila yi masambulu ma benu, na mu nzila yi likumbasa li Livupu la Yisu Kristo.

2 Timoteho 1:14

Kelese mandongi ma talu, ma we ayaka mu likumbasa li Livupu la Ngidi li lili mu bisu.

1 Peetelo 1:11

Livupu la Kristo laaba mu bo, lo laayabisi bo manzuhu ma Kristo hu umono na muyusu wu uya humbisa a mo. Bo baasahi uyaba ki tangu na buni mo mu utwala uvangama.

1 Yowani 3:24

Woosi wu ubaasiingala Mikele mya Nzambi, ubaakwilala mu Nzambi na Nzambi ubaakwilala mu nde. Mono buni bisu libaayaba ti Nzambi akwilala mu bisu: ni mu toni Livupu la nde li nde hava bisu.

1 Yowani 4:13

Nzambi aviidi bisu Livupu la nde. Ni buuna bisu libaayaba ti bisu libaakwilala mu nde, na nde kaka ubaakwilala mu bisu.

1 Yowani 4:4

Ka benu bibabana bya me, benu lili ba Nzambi habaha, na benu laamiibiingala mimbihuli mi mapfuta. Mu toni ati, Livupu li lili mu benu, laakulala livupu li lili mu tsi mu matwala.