Looma 8:7 - Musamu wu Mubwe

⁷ Boosi ba bali hutsina lituma li manzala ma imuutu, bali baboho ba Nzambi. Mu toni ati, bo a bubaasiingala Mikele mya Nzambi ve, na a bubaatwala tso hoole ve.

Looma 8:7 ပူးပေါင်းရင်းမြစ်များ

Yowani 7:7

Baatu ba tsi utwala ubelele benu ve. Ka bo baabelele me. Mu toni ati, me umbaata imbangi ti mavanga ma bo mali mamabi.

Looma 1:28

Bu bo baabisi uyaaba Nzambi, Nzambi atiimbi bo ŋa busu bu buyedi bwa bo bu bwadunga, na bo bali mu uvanga ma maavelefwaana.

Looma 1:30

Bo bubaakuta mapfuundu mu bana. Bo bali baboho ba Nzambi, banga lisabu, banga a ngaabi, banga nyeme. Bo baatondo ubaabuta mamabi, bo bubaakakana na bikuta bya bo.

Looma 3:31

Ka buuna butondi uleele ti bisu ka tsoongo Mikele luufwinzala mu ukiisa imiinu? Naana! Ka bisu Mikele lili mu usilasa.

Looma 5:10

Bu bisu laaba baboho ba Nzambi, nde anongi na bisu mu lipfu la mwana a nde. Tandisini a buunubu bu bisu limiinongo na Nzambi, buni nde huvelefuhasa bisu mu monyi a mwana a nde?

Looma 7:22

Hutso matsimi ma mutima a me, me ndi na kinya mu matumili ma Nzambi.

Looma 8:4

Nzambi hasidi buuna, mana nde akuhasa mambu moosi ma butsiitsa ma Mikele mili mu utuma bisu. Mambu momaana, maafwana uvangama mu bisu ba laabweveledyata mu matsimi ma imuutu, ka ba lili mu udyata mu Livupu la Ngidi.

2 Timoteho 3:4

Baatu bu uba basumbisi ba bana, banga mafufu, banga lidadu, ba baafulala utondo makinya ma bo hwavele utondo Nzambi.

Yaki 4:4

Bimbembo mobinibi! Benu a liyabi ve ti, utondo mambu ma tsi, ni ubelele hwa Nzambi? Ni mu buuna, tso muutu tondi uba mbaahi a tsi, nde aka muboho a Nzambi.

2 Peetelo 2:14

Miisu ma bo maluula mu peyu usa mayamba na bo babaakwilala mu usa masumu. Mu myeto mya bo, bo bali mu uduta babavele na imiinu hi hyabama. Mitima mya bo myaluula mu nzala a mbongo. Tsingili a Nzambi yaaka mu bo.