Looma 8:6 - Musamu wu Mubwe

⁶ Manzala ma musunya mubaabita hu lipfu. Ka usalila manzala ma Livupu, hubaava monyi na hyenze.

Looma 8:6 ပူးပေါင်းရင်းမြစ်များ

Yowani 14:27

«Me ndi mu utsiisa benu hyenze. Ni hyenze hya me, me ndi mu upa benu. Me a handi mu upa benu hyo, we bu baatu ba tsi bubaava ve. Nyaha mitima mya benu mivelehelene, na a liba na boomo ve.

Yowani 14:6

Yisu afutili nde: «Me ni nzila, imbuli na monyi. Muutu tso mumosi a huya huli Taata hwavele uvyohele mu me ve.

Yowani 17:5

Bunuubu, Taata, yusa me ŋa busu bwa we. Yusa me mu biyusili bi me amba na byo ŋa pedu a we, tswamina pangili a toto.

Looma 13:14

Lwataani mbiili a Pfumu Yisu Kristo. A liduukala mbiili yi imuutu, mu uywatisa mapeyu ma nde ma mabi ve.

Looma 14:17

Eye, Ipfumu hya Nzambi a hili dyambu la byudya, buve la byunywa ve. Ka hyo hyakangama mu butsitsa, hyenze na kinya, bi Livupu la Ngidi libaava.

Looma 5:1

Ni mu buuna, bu bisu laaka ba tsiitsa mu imiinu, bisu lili mu hyenze na Nzambi mu likumbasa la Pfumu a bisu Yisu Kristo.

Looma 5:10

Bu bisu laaba baboho ba Nzambi, nde anongi na bisu mu lipfu la mwana a nde. Tandisini a buunubu bu bisu limiinongo na Nzambi, buni nde huvelefuhasa bisu mu monyi a mwana a nde?

Looma 6:21

Ka benu ki kaluha laabahi mu tangu moyiina? Mavanga ma benu lili na tsonyi mu mo loloyi. Mavanga momaana, tsukusu a mo ni lipfu.

Looma 6:23

Ka pfuta a masumu ni lipfu, ka ikuuku hi Nzambi ubaava mu bungodu, ni monyi wu bilima na bilima itwadi na Yisu Kristo, Pfumu a bisu.

Looma 7:11

Mu toni ati lisumu lasiingama mu tumili: lisumu laasoho me na laaduba me.

Looma 7:5

Eye, ŋa bisu laaba hutso lituma li imuutu, manzaala ma mabi ma Mikele myakatuma, maakabaasala mutso linyutu la bisu loosi, mana bisu lisala bisalu bi byubita bisu hu lipfu.

Looma 8:13

Mu toni ati, tso benu lidyati mu manzala ma benu ma imuutu, benu sa likwa. Ka mu likumbasa li Livupu la Ngidi, tso benu lidubi mavanga mamabi ma benu libaasa mu nyutu a benu, benu sa liba monyi.

Looma 8:27

Na Nzambi wu ubaafundala idongi hi mitima, ubaabangula ma Livupu la Ngidi ubaatondo uvondo. Mu toni ati, Livupu libaasambila mu ba nde, we bu Nzambi ubaatondo.

Looma 8:7

Boosi ba bali hutsina lituma li manzala ma imuutu, bali baboho ba Nzambi. Mu toni ati, bo a bubaasiingala Mikele mya Nzambi ve, na a bubaatwala tso hoole ve.

Ngalaatiya 5:22

Ka mimbutu mi Livupu ni litondo, kinya, hyenze, taasili a bana, mutima wu mubwe, kangimini,

Ngalaatiya 6:8

Woosi wu ubaakuna mu musunya, nde sa akuukaha bi byabolo; bi bibaabita hu lipfu. Ka woosi wu ubaakuna mu Livupu, nde wuuna sa akuukaha bya monyi wu bilima na bilima.