Looma 8:30 - Musamu wu Mubwe

³⁰ Baatu ba Nzambi hatswamini usoolo, nde ateeli kaka bo. Ba nde hateeli, nde akitusi bo kaka ba butsiitsa ŋa busu bwa nde, ba nde hakitusi ba butsiitsa, nde aviidi bo kabu li muyusu a nde.

Looma 8:30 ပူးပေါင်းရင်းမြစ်များ

Yowani 17:22

Na me miipa bo muyusu wu we aviidi me, mana bo baba muutu mumosi, we bu we na me lili muutu mumosi.

Yowani 17:24

«Taata, me tondi ti baatu ba we ava me, baba na me ŋa me umba. Me tondi ti bo bamono muyusu a me. Ni muyusu wu we ava me, mu toni ati, we atondo me tswamina pangili a tsi.

Yowani 5:24

Mu mbuli, mu mbuli me ndi mu undeele benu, muutu wu li mu uyuha mambu ma me, na li mu usa imiinu mu wuuna wu atsindaha me, nde li na monyi wu bilima na bilima. Nde a hukoto mu tsuundusu ve, ka nde amiimata mu lipfu na uvyoho hu monyi.

Looma 1:6

Benu kaka lili mu litangu la baatu mobaana, ba Yisu Kristo hateeli.

Looma 11:29

Ka Nzambi a hubaapatula hi nde hamiikwava ve. Na nde a hubaasobo matsimi ŋa busu bwa ba nde hamiiteele ve.

Looma 8:1

Bunuubu, boosi ba baabambana na Yisu Kristo a bubweyaka tsyembili ve.

Looma 8:21

Hiitu ni ti, ilumbu Nzambi uva bunyanga mu bi nde havanga, mu buviha bu matwala ma mutsali a byo. Na byo sa bibaha muyusu wu bunyanga bwa baana ba Nzambi.

Looma 8:28

Bisu liyaabi ti pasi bisiha bibaavangama mu libwe la ba baatondo Nzambi, na ba nde hateele we bu huli kesili a nde.

Ngalaatiya 1:15

Ka Nzambi asooli me tswamina mbutili a me. Na mu hyese hya nde, nde ateeli me mu uba musalili a nde.

Ngalaatiya 1:6

Me ndi mu ukimuha bu benu laaveletamba mu umiinguha Nzambi. Nde wu ateele benu mu hyese hya Kristo. Benu laaka mu ukiinguha mu uyuha Musamu wu Mubwe mukima.

Ngalaatiya 5:8

Ma bali mu uleele benu mu ubaha benu, a mali mu umata huli Nzambi wu li mu uteele benu ve.

1 Tesalonika 2:12

Bisu laahwadisi benu, laabombisili benu na laayelisi benu mu ubaaba na mbiili yi yafwana ŋa busu bwa Nzambi. Nde wu li mu uteele benu mu ukoto mu ipfumu hya nde na mu muyusu a nde.

2 Timoteho 2:11

Musamu a mbuli ni wunuwu: Tso bisu likwidi na Yisu Kristo, bisu lu uba kaka monyi na nde.

1 Peetelo 2:9

Ka benu, benu lili ibandu hibaasoolo, buli li banganga ba Nzambi ba Pfumu, buli li laatsyeme. Tso Nzambi hamiibaha benu, ni mu toni ati, benu liyaabisa mavanga ma maasyenoho. Nzambi hapalisi benu mu piipidi, nate mu ukotese benu hutso liyalala la nde la kimwili.

1 Peetelo 3:9

A lifutala lilibi mu lilibi ve, tso ituhi mu ituhi ve. Ka futalaani bunuubu: «Nyaha Nzambi asyeme benu!» Mu toni ati, ni muliina Nzambi hateele benu, mana benu liyaka lisyeme.

1 Peetelo 5:10

Benu sa libwemono pasi mwana a tangu hoole. Ka Nzambi wu ubaamwese hyese hya nde hyosi, amiiteele benu mu ukoto hutso muyusu a nde wu bilima na bilima, mu itwadi hya na Yisu Kristo. Nde mwakulu sa atelemese benu, nde sa ahwadisa benu, sa ava benu mifudi, nde sa asusa benu ŋa yulu ibeene hi hyavangama.

2 Peetelo 1:10

Ni mu buuna, baana ba ngu, hwadaani mu usa mifudi mu usilasa ti ni mbuli, Nzambi ateele benu na asoolo benu mu uba buli la nde. Tso benu livangi buuna, benu utwala ubwisa imiinu hya benu ve.