Looma 8:29 - Musamu wu Mubwe

²⁹ Buuna, mu baatu ba Nzambi hatswanimi usoolo, nde atswamini uvolo kesili mu ufwanisa bo na Mwana a nde, mana nde aba pasa-bibelo ŋa hati la baana ba ngu ba balahi.

Looma 8:29 ပူးပေါင်းရင်းမြစ်များ

Yowani 17:16

Bo a bali ba tsi ve, we bu me apele wa tsi.»

Yowani 17:19

Na me, me ndi mu utsyeme me mwakulu mu bo, mana bo kaka baba ba baatsyeme mu imbuli.

Yowani 17:26

Me anzaabisa bo nduhi a we, na me tsa mbwenzaabisa bo yo, mana litondo li we atondo me liba mu bo, na me mba me mwakulu mu bo.»

Yowani 20:17

Yisu aleeli nde: «A habembe me! Mu toni ati me kini a hapaata huli Taata a me ve. Ka yene huli baana ba ngu a me, na leele bo ti, “Me aka mu ukumasa huli Taata a me, wu li kaka Taata a benu. Me aka mu ukumasa huli Nzambi a me, wu li kaka Nzambi a benu.”»

Looma 11:2

Nzambi a hanyasula baatu ba nde hamiitswamina uyaaba ve. Yibwalaani monyi mu ma baasonehe ma Ngidi, ma mali mu ngu musamu wu mumbihuli Eliya ali mu unyongele Isereli ŋa busu bwa Nzambi:

Looma 13:14

Lwataani mbiili a Pfumu Yisu Kristo. A liduukala mbiili yi imuutu, mu uywatisa mapeyu ma nde ma mabi ve.

Looma 9:23

Eye, we lima ubweleele, tso Nzambi asiidi buuna, mu umwese busina bu muyusu a nde huli bitehili bi nde hakwili lingebe. Bitehili bi nde hatswamini uvangimasa mu toni muyusu a nde.

Filiipo 3:21

Nde ukimbusa nyutu a bisu yi yatsambama, mana yo yifwanina na nyutu a nde yi muyusu, mu matwala ma nde. Ni nde li na matwala ma ususa pasi muutu na pasi isiha hutsina lituma la nde.

2 Timoteho 1:9

Nde ni wu ayobolo bisu, na wu ateele bisu mu mbila ya ngidi, a mu toni mavanga ma bisu mamabwe ve, ka mu toni a kesili a nde mwakulu na mu toni bubwe bwa nde. Nde asa bisu kolo-kolo a nde mu Yisu Kristo, tswamina mbandili a tangu.

2 Timoteho 2:19

Ka, bibene bi byabama, bi Nzambi hatunga, bili mu ukwilala. Ŋa yulu a byo, baavala mambu momanima: «Pfumu yabi baatu ba nde.» Na, «Pasi muutu wu uleele ti nde li mu Pfumu, afwana usiisa mavanga mamabi!»

1 Peetelo 1:2

Taata Nzambi atswamini usoolo benu, we bu huli matsimi ma nde. Nde miikitusa benu ibandu hya ngidi, mu likumbasa li Livupu la nde. Nde hasiidi buuna, mana benu lisiingala Yisu Kristo, na makila ma nde ma maapuhimi matsyemese benu. Nyaha Nzambi asyeme benu na ava benu hyenze hi hyafulala.

1 Peetelo 1:20

Nzambi asooli nde tswamina paangili a tsi, na mu libwe la benu, nde ayabisi benu Kristo mu tangu mo ya tsyelele yi.

1 Yowani 3:2

Baana ba ngu ba litondo, bunuubu bisu lika baana ba Nzambi. Ka, bisu a laayaaba buni bisu luuba mu bilumbu bya hu busu ve. Bisu liyabi linili: ŋa Kristo huyamonehele, bisu luufwanina na nde mu toni ati, bisu luumono nde we bu nde ali.