Looma 8:28 - Musamu wu Mubwe

²⁸ Bisu liyaabi ti pasi bisiha bibaavangama mu libwe la ba baatondo Nzambi, na ba nde hateele we bu huli kesili a nde.

Looma 8:28 ပူးပေါင်းရင်းမြစ်များ

Mavanga 13:48

Bu ba baavele Bayudaayo baayuhi mambu momaana, bo baaluuli mu kinya na baayusi mambu ma Pfumu. Boosi ba Nzambi hasooli mu ubaha monyi wu bilima na bilima, baasiidi hiitu mu Pfumu.

Looma 11:29

Ka Nzambi a hubaapatula hi nde hamiikwava ve. Na nde a hubaasobo matsimi ŋa busu bwa ba nde hamiiteele ve.

Looma 8:30

Baatu ba Nzambi hatswamini usoolo, nde ateeli kaka bo. Ba nde hateeli, nde akitusi bo kaka ba butsiitsa ŋa busu bwa nde, ba nde hakitusi ba butsiitsa, nde aviidi bo kabu li muyusu a nde.

Looma 9:11

Abeedi kini abaabuti baana mobaana ve, na bo kaka aba kini a baavangi dyambu li libwe tso li libi ve, ŋa Nzambi hayambili huli Lebeka, mana makani ma Nzambi, ma mali we bu huli tsolili a nde makwilala.

Ngalaatiya 1:15

Ka Nzambi asooli me tswamina mbutili a me. Na mu hyese hya nde, nde ateeli me mu uba musalili a nde.

Ngalaatiya 1:6

Me ndi mu ukimuha bu benu laaveletamba mu umiinguha Nzambi. Nde wu ateele benu mu hyese hya Kristo. Benu laaka mu ukiinguha mu uyuha Musamu wu Mubwe mukima.

Ngalaatiya 5:8

Ma bali mu uleele benu mu ubaha benu, a mali mu umata huli Nzambi wu li mu uteele benu ve.

Filiipo 3:14

Me ndi mu ukwaada mu uyene tiinu hu busu. Mu toni ati, Nzambi li mu uteele me mu uyaka musyendo hu yulu, mu itwadi na Kristo.

1 Tesalonika 5:9

Nzambi a hateele bisu mu ubwana tsyembili a nde ve, ka mu ubaha liyobolo mu Pfumu a bisu Yisu Kristo.

2 Timoteho 1:9

Nde ni wu ayobolo bisu, na wu ateele bisu mu mbila ya ngidi, a mu toni mavanga ma bisu mamabwe ve, ka mu toni a kesili a nde mwakulu na mu toni bubwe bwa nde. Nde asa bisu kolo-kolo a nde mu Yisu Kristo, tswamina mbandili a tangu.

2 Timoteho 2:19

Ka, bibene bi byabama, bi Nzambi hatunga, bili mu ukwilala. Ŋa yulu a byo, baavala mambu momanima: «Pfumu yabi baatu ba nde.» Na, «Pasi muutu wu uleele ti nde li mu Pfumu, afwana usiisa mavanga mamabi!»

Yaki 1:12

Kinya huli muutu wu ubaakunda lobese. Humbisa ubingala lo, nde ubaha mutata a monyi, wu Nzambi hasiidi lahi huli ba baatondo nde.

Yaki 2:5

Yuhani baana ba ngu a me ba litondo, Nzambi asooli biyaha bya ŋa toto, mana byo biba bisina mu imiinu. Bisina mu imiinu byuba babahi ba mukobe a Ipfumu hi Nzambi hasiidi lahi, huli ba bubaatondo nde.

1 Peetelo 2:9

Ka benu, benu lili ibandu hibaasoolo, buli li banganga ba Nzambi ba Pfumu, buli li laatsyeme. Tso Nzambi hamiibaha benu, ni mu toni ati, benu liyaabisa mavanga ma maasyenoho. Nzambi hapalisi benu mu piipidi, nate mu ukotese benu hutso liyalala la nde la kimwili.

1 Peetelo 3:9

A lifutala lilibi mu lilibi ve, tso ituhi mu ituhi ve. Ka futalaani bunuubu: «Nyaha Nzambi asyeme benu!» Mu toni ati, ni muliina Nzambi hateele benu, mana benu liyaka lisyeme.

1 Peetelo 5:10

Benu sa libwemono pasi mwana a tangu hoole. Ka Nzambi wu ubaamwese hyese hya nde hyosi, amiiteele benu mu ukoto hutso muyusu a nde wu bilima na bilima, mu itwadi hya na Yisu Kristo. Nde mwakulu sa atelemese benu, nde sa ahwadisa benu, sa ava benu mifudi, nde sa asusa benu ŋa yulu ibeene hi hyavangama.

1 Yowani 4:10

Na mono litondo buni lili: a huli ti ni bisu laatondi Nzambi ve, ka ni nde atondi bisu na atsindihi Mwana a nde, wu aviidi muvumu a nde mu bungodu mu toni umaasa masumu ma bisu.

1 Yowani 4:19

Ka uto ti bisu, bisu libaatondo Nzambi, mu toni ati nde atswamini utondo bisu.