Looma 8:17 - Musamu wu Mubwe

¹⁷ Eye, tso bisu lili baana ba Nzambi, bisu kaka ni babyalili ba mukobe! Eye! Babyalili ba mukobe a Nzambi. Mukobe wu luukabasana itwadi na Kristo. Ka tso bisu lili mu umono mapasi itwadi na Kristo, bisu kaka sa liba itwadi hutso muyusu a nde.

Looma 8:17 ပူးပေါင်းရင်းမြစ်များ

Luuka 12:32

A ba na boomo ve, we mwana a konge biboodi! Mu toni ati Taata a benu mimono bubwe mu uva benu Ipfumu hya nde.

Luuka 24:26

Beedi hwafwana ti Kristo a maamono pasi, tswamina Nzambi ayusa nde?»

Yowani 17:24

«Taata, me tondi ti baatu ba we ava me, baba na me ŋa me umba. Me tondi ti bo bamono muyusu a me. Ni muyusu wu we ava me, mu toni ati, we atondo me tswamina pangili a tsi.

Mavanga 14:22

Bo baakahwadisa mitima mi bayihi, na baakatuma bo mu uteleme mu imiinu mu Nzambi. Bo baakaleele: «Bisu laafwana ubwana na mapasi mamalahi, tswamina mu ukoto mu Ipfumu hya Nzambi.»

Mavanga 20:32

Na bunuubu, me nzyehuli benu ŋa myoho mya Nzambi, na mu lituma li Musamu wu Mubwe wa pfuuhili. Nde na matwala ma uhwadisa benu mu imiinu, na uva benu mukobe wu nde haswehele boosi ba baakangama mu nde.

Mavanga 26:18

Me ndi mu utsindaha we, mana we dibula bo miisu. Me ndi mu utsindaha we, mana we palisa bo mu piipidi, mu uvyoso bo mu liyalala. Me ndi mu utsindaha we, mana we palisa bo hu tsina matwala ma Satana, mu ususa bo hu tsina lituma la Nzambi. Bu bu usiila me hiitu, Nzambi unyahula masumu ma bo, na bo bu ubaha mbuha ŋa hati la ba Nzambi hamiisoolo.”»

Looma 5:17

Mu mbuli, lipfu laamwesi matwala ma lo mu lisumu la muutu mumosi. Ka mu Yisu Kristo siha, bisu laamiiyaka bibilahi: boosi ba bali mu uyaka hyese hi hyafulala hya Nzambi, na bungodu bu butsiitsa bwa nde, buuba monyi na buuba batumi na Yisu Kristo.

Looma 8:3

Mambu ma Mikele mya Moose myakaveletwala uvanga, mu toni ikolili hi bumuutu, Nzambi avangi mo. Nde atsindihi Mwana a nde mu uba monyi mu linyutu li musunya, mana nde amaasa mukele lisumu, na uva lisumu tyembili mutso a nyutu.

Ngalaatiya 3:29

Umono ti benu lili ba Kristo, benu lili imbisa hya Abrahami. Na benu sa liba babyalili ba mukobe wu Nzambi hasiidi lahi huli Abrahami.

Ngalaatiya 4:7

Ni mu buuna, we a hasaala muviha ve, ka we mwana. Mu toni ati we li mwana, we mubyalili mukobe, wu Nzambi haswehele baana ba nde.

Filiipo 1:29

Ka Nzambi hava benu hyese hi usalila Kristo, ndulu a mu usa imiinu hya benu mu nde ve, ka napa mu umono pasi mu nde.

Filiipo 3:10

Hi me ndi mu utsaha hyosi, ni uyaaba Kristo bubwe-bubwe, na uyaaba matwala ma tsuuhili a nde mu babaakwa. Hi me tondi, ni umono mapasi we bu nde hamoni, na ukwa mu toni a nde, we bu nde hakwidi mu me.

Tiite 3:7

Nde hasidi buuna, mana bu buuteele bisu «ba bamiibinga» mu kolo-kolo a nde, bisu likituha babahi ba hiitu hya monyi wu bilima na bilima.

Yaki 2:5

Yuhani baana ba ngu a me ba litondo, Nzambi asooli biyaha bya ŋa toto, mana byo biba bisina mu imiinu. Bisina mu imiinu byuba babahi ba mukobe a Ipfumu hi Nzambi hasiidi lahi, huli ba bubaatondo nde.

1 Peetelo 1:4

Tso bisu lili na hiitu mohiina, bisu sa liyaka mukobe wu Nzambi hamiiswehele baatu ba nde. Mukobe mowuuna wu buuveleduba, wu buuvelesa mbindu, ka nde afwana ukeelese umwedeme hwa nde. Nzambi amiiswehele benu nde hu mayulu.

1 Peetelo 4:13

Ka baabaani na kinya bu lili mu umono mapasi ma Kristo hamoni, mana benu ka liluula mu kinya yindahi ŋa nde hu umonehele mu muyusu a nde huli baatu boosi.