Looma 8:16 - Musamu wu Mubwe

¹⁶ Livupu la Ngidi libaata imbangi lo mwakulu huli livupu la bisu ti, bisu lili baana ba Nzambi.

Looma 8:16 ပူးပေါင်းရင်းမြစ်များ

Luuka 20:36

Bo utwala ubwekwa ve, bo sa bafwanina na bapofi. Bo bu uba baana ba Nzambi, bu nde husuula bo mu babaakwa.

Yowani 1:12

Ka boosi ba baayaki nde, na huli boosi ba baasiidi imiinu mu nde, nde aviidi bo muswa mu uba baana ba Nzambi.

Mavanga 5:32

Bisu lili bambangi ba misamu momiina, bisu na Livupu la Ngidi, li Nzambi havidi ba bali mu usiingala nde.»

Looma 8:14

Ni mu buuna, baatu boosi ba Livupu la Nzambi libaasungaha, bali baana ba Nzambi.

Looma 8:19

Ka byosi bi Nzambi havanga, bili mu ukeele na lehemene, tangu yi Nzambi humwese muyusu a baana ba nde.

Looma 8:23

Ka ndulu a byosi bi Nzambi havanga bili mu ubima ve. Bisu kaka laaka na Livupu la Ngidi, we kabu latsomi li bungodu bu Livupu bu Nzambi hasiidi lahi. Bisu kaka lili mu ubima hutso mitima, tswamina Nzambi akitusa bisu baana ba nde na uva bunyanga mu nyutu a bisu mu mapasi.

Looma 8:26

Bumosi kaka, Livupu la Ngidi libaaya mu ukumbasa bisu, mu toni ati, bisu lili na ikolili. Buuna, bisu a liyaabi usambila we bu hwafwana ve. Ka Livupu lo mwakulu libaasambila Nzambi mu toni a bisu na nzayiini, yi pasi muutu huveletwala uyaabisa.

Looma 9:26

Na hu baaleeli bo: “Benu a lili ibandu hya me ve”, sa bateele bo baana ba Nzambi a monyi».

Looma 9:8

Pila mosi ti, a baana boosi ba imbisa hya Abrahaami mu musunya bali baana ba Nzambi ve. Ndulu baana ba baabuta we bu huli lahi, bali imbisa hya nde hya mbuli.

Ngalaatiya 3:26

Mu tangu moyiniyi, benu boosi laaka baana ba Nzambi mu imiinu mu Yisu Kristo.

Ngalaatiya 4:6

Mu toni ati, benu ni baana ba nde, Nzambi atsindihi mutso mitima mya bisu, Livupu la Mwana a nde, Livupu li libaafulaha: «Abba! Taata!»

1 Yowani 3:1

Monwaani ki pila litondo Nzambi hatondi bisu! Nde li mu uteele bisu baana ba nde. Mbuli, bisu ni baana ba nde. Tso baatu ba tsi a bayabi bisu ve, ni buuna kaka, bo a bayabi Nzambi ve.

1 Yowani 3:10

Pasi nde wu avelevanga butsitsa, buve wu aveletondo mwana a ngu a nde, a hali mwana a Nzambi ve. Liina ni li libaamwese lisobosono ŋa hati la baana ba Nzambi na baana ba Mukuyi.

1 Yowani 3:2

Baana ba ngu ba litondo, bunuubu bisu lika baana ba Nzambi. Ka, bisu a laayaaba buni bisu luuba mu bilumbu bya hu busu ve. Bisu liyabi linili: ŋa Kristo huyamonehele, bisu luufwanina na nde mu toni ati, bisu luumono nde we bu nde ali.

1 Yowani 4:13

Nzambi aviidi bisu Livupu la nde. Ni buuna bisu libaayaba ti bisu libaakwilala mu nde, na nde kaka ubaakwilala mu bisu.

1 Yowani 5:10

Ni mu buuna, woosi wu usa imiinu mu Mwana a Nzambi, nde mwakulu ubaasiinga imbangi mohiina mu mutima a nde woosi. Ka muutu wu ubaavelesa imiinu mu Nzambi, ubaateele Nzambi «mupfuti». Mu toni ati, nde a hubaasiinga imbangi hi Nzambi hatiili mu Mwana a nde ve.