Looma 8:14 - Musamu wu Mubwe

¹⁴ Ni mu buuna, baatu boosi ba Livupu la Nzambi libaasungaha, bali baana ba Nzambi.

Looma 8:14 ပူးပေါင်းရင်းမြစ်များ

Yowani 1:12

Ka boosi ba baayaki nde, na huli boosi ba baasiidi imiinu mu nde, nde aviidi bo muswa mu uba baana ba Nzambi.

Looma 8:19

Ka byosi bi Nzambi havanga, bili mu ukeele na lehemene, tangu yi Nzambi humwese muyusu a baana ba nde.

Looma 8:5

Eye, ba bali mu udyata mu matsimi ma imuutu, bo bubaasalila manzala ma musunya, ka ba bali monyi mu Livupu la Ngidi, bali mu usalila manzala ma Livupu.

Looma 8:9

Ka benu, benu a lili mu udyata hutsina lituma li musunya ve. Benu lili mu udyata mu Livupu la Nzambi, mu toni ati Livupu la Nzambi lili mu benu. Muutu wu avele na Livupu la Kristo, a hali wa nde ve.

Looma 9:26

Na hu baaleeli bo: “Benu a lili ibandu hya me ve”, sa bateele bo baana ba Nzambi a monyi».

Looma 9:8

Pila mosi ti, a baana boosi ba imbisa hya Abrahaami mu musunya bali baana ba Nzambi ve. Ndulu baana ba baabuta we bu huli lahi, bali imbisa hya nde hya mbuli.

Ngalaatiya 3:26

Mu tangu moyiniyi, benu boosi laaka baana ba Nzambi mu imiinu mu Yisu Kristo.

Ngalaatiya 4:5

Mwana mo hayidi mu uyobolo ba baaba hutsina lituma li Mikele, na mu uva bisu bunyanga mu ukituha baana ba Nzambi.

Ngalaatiya 4:6

Mu toni ati, benu ni baana ba nde, Nzambi atsindihi mutso mitima mya bisu, Livupu la Mwana a nde, Livupu li libaafulaha: «Abba! Taata!»

Ngalaatiya 5:16

Ni mu buuna, me ndi mu undeele bu: Nyahani Livupu libaatuma idiingu hya benu. Tso lisidi buuna, benu alubwesingala tso hole, lituma li mapeyu ma musunya ve.

Ngalaatiya 5:18

Ka tso Livupu lili mu ubita benu, benu a lili hutso a tumili Mikele ve.

1 Yowani 3:1

Monwaani ki pila litondo Nzambi hatondi bisu! Nde li mu uteele bisu baana ba nde. Mbuli, bisu ni baana ba nde. Tso baatu ba tsi a bayabi bisu ve, ni buuna kaka, bo a bayabi Nzambi ve.

1 Yowani 3:24

Woosi wu ubaasiingala Mikele mya Nzambi, ubaakwilala mu Nzambi na Nzambi ubaakwilala mu nde. Mono buni bisu libaayaba ti Nzambi akwilala mu bisu: ni mu toni Livupu la nde li nde hava bisu.