Looma 8:11 - Musamu wu Mubwe

¹¹ Tso Livupu la Nzambi, wuuna wu asuula Yisu ŋa hati la babakwa lili mu benu, Nzambi wuuna wu asuula Kristo ŋa hati la babakwa, sa ava kaka monyi huli nyutu a benu yi yukwa mu Livupu la nde li lili mu benu.

Looma 8:11 ပူးပေါင်းရင်းမြစ်များ

Yowani 14:17

Mukaliini ni Livupu li imbuli. Livupu li baatu ba tsi buuveletwala uyaka. Mu toni ati, bo utwala umono tso uyaba lo ve. Ka uto ti benu, benu liyabi lo. Mu toni ati lo lili ŋa hati la benu, na lo sa likwilala mu benu.

Yowani 5:21

We bu Taata ubaasuula babaakwa na ubaava bo monyi, ni bumosi kaka Mwana ubaava monyi huli muutu wu nde atondi.

Mavanga 2:24

Ka Nzambi asuuli nde mu babaakwa, na ayobili nde mu mapasi ma lipfu. Mu toni ati, lipfu a laabahi matwala ma ukanga nde ve.

Looma 16:10

Bilaani Apelisi wu amwesi me imbuli hi imiinu hya nde mu Kristo. Bilaani ba bali mu nzo a Aristobule.

Looma 16:3

Bilaani Pirisiye na Akilasi, batsyengi ba me ba isalu mu Yisu Kristo.

Looma 16:7

Bilaani Andronikusi na Yunyasi, ikuta hya me, bo ba baaba na me mu kondaayi. Bu baasilasa bo ŋa hati li bilumbi, na bo baatswamini me uyaka Kristo.

Looma 16:9

Bilaani Uribani, tsyengi a bisu wu isalu mu Kristo, na Sitakyusi, wa me wu litondo.

Looma 6:12

Ni mu buuna, masumu utwala ubwetuma nyutu a benu yi yukwa ve, mu ubwesiingala linyungi la yo.

Looma 8:1

Bunuubu, boosi ba baabambana na Yisu Kristo a bubweyaka tsyembili ve.

Looma 8:12

Ni mu buuna baana ba ngu, bisu a benu lili na mukanu. Ka a hali mukanu manzala ma linyutu mu udyata mu imuutu ve.

Looma 8:2

Mu toni ati, mukele a Livupu la Ngidi wu ubaava monyi mu likumbasa la Yisu Kristo, amiiva me bunyanga ŋa busu bu mukele lisumu na lipfu.

Looma 8:9

Ka benu, benu a lili mu udyata hutsina lituma li musunya ve. Benu lili mu udyata mu Livupu la Nzambi, mu toni ati Livupu la Nzambi lili mu benu. Muutu wu avele na Livupu la Kristo, a hali wa nde ve.

Ngalaatiya 6:8

Woosi wu ubaakuna mu musunya, nde sa akuukaha bi byabolo; bi bibaabita hu lipfu. Ka woosi wu ubaakuna mu Livupu, nde wuuna sa akuukaha bya monyi wu bilima na bilima.

Filiipo 3:21

Nde ukimbusa nyutu a bisu yi yatsambama, mana yo yifwanina na nyutu a nde yi muyusu, mu matwala ma nde. Ni nde li na matwala ma ususa pasi muutu na pasi isiha hutsina lituma la nde.

1 Peetelo 1:21

Mu nde benu lili mu usa imiinu mu Nzambi wu asuula nde ŋa hati la babaakwa, na wu ava nde muyusu. Ni mu buuna, benu libaasa imiinu na hiitu mu Nzambi.

1 Peetelo 3:18

Ka Kristo nde mwakulu amoni pasi ya nzyeni, mu toni masumu ma baatu. Nde wa tsiitsa, mu babaaveletsiitsa, mu ubita benu huli Nzambi. Baadubi nde mu linyutu, ka Nzambi asuuli nde mu Livupu.