Looma 8:1 - Musamu wu Mubwe

¹ Bunuubu, boosi ba baabambana na Yisu Kristo a bubweyaka tsyembili ve.

Looma 8:1 ပူးပေါင်းရင်းမြစ်များ

Yowani 14:20

Mu ilumbu mohiina, benu sa liyaba ti me ndi mu Taata a me. Benu lili mu me, na me ndi mu benu.

Yowani 15:4

Kangamaani mu me, we bu me akangama mu benu. Itabi hi muti a viinye utwala ubuta mbutu mu hyo mwakulu ve, tso hyo a hyakangama na muti a viinye ve. Ni bumosi kaka, benu utwala ubuta mbutu, tso benu a laakangama mu me ve.

Yowani 5:24

Mu mbuli, mu mbuli me ndi mu undeele benu, muutu wu li mu uyuha mambu ma me, na li mu usa imiinu mu wuuna wu atsindaha me, nde li na monyi wu bilima na bilima. Nde a hukoto mu tsuundusu ve, ka nde amiimata mu lipfu na uvyoho hu monyi.

Looma 16:3

Bilaani Pirisiye na Akilasi, batsyengi ba me ba isalu mu Yisu Kristo.

Looma 16:7

Bilaani Andronikusi na Yunyasi, ikuta hya me, bo ba baaba na me mu kondaayi. Bu baasilasa bo ŋa hati li bilumbi, na bo baatswamini me uyaka Kristo.

Looma 5:1

Ni mu buuna, bu bisu laaka ba tsiitsa mu imiinu, bisu lili mu hyenze na Nzambi mu likumbasa la Pfumu a bisu Yisu Kristo.

Looma 5:16

Na bi Nzambi ubaava, a byuyelemese na lisumu la muutu mumosi ve. Tsundusu a Nzambi mu toni lisumu la muutu mumosi, Adami, yaabiti baatu hu tsyembili. Ka bungodu bwa hyese hya Nzambi, bwabiti baatu mu uba bunyanga, tso yuhili bubi bwa bo bu bwafulala.

Looma 7:17

Bunuubu, a ni me ndi mu upanga buuna ve, ka ni lisumu li lili mu me lili mu utuma me.

Looma 7:20

Tso me paangi ma me apeletondo, a me ndi mu upanga buuna ve, ka ni lisumu li lili mu me, lili mu utuma me.

Looma 8:11

Tso Livupu la Nzambi, wuuna wu asuula Yisu ŋa hati la babakwa lili mu benu, Nzambi wuuna wu asuula Kristo ŋa hati la babakwa, sa ava kaka monyi huli nyutu a benu yi yukwa mu Livupu la nde li lili mu benu.

Looma 8:14

Ni mu buuna, baatu boosi ba Livupu la Nzambi libaasungaha, bali baana ba Nzambi.

Looma 8:2

Mu toni ati, mukele a Livupu la Ngidi wu ubaava monyi mu likumbasa la Yisu Kristo, amiiva me bunyanga ŋa busu bu mukele lisumu na lipfu.

Looma 8:34

Ka na utwala usyembe bo? Muutu ve, mu toni ati Yisu Kristo miikwa, titswene nde miisuuha, nde li ŋa mbahala a Nzambi. Na nde li mu usambila mu bisu!

Looma 8:39

tso matwala ma hu yulu, tso ma ŋa toto, tso pasi iloho hi Nzambi havanga, isiha tso imosi utwala utahula bisu na litondo, li Nzambi hamwesi bisu mu Yisu Kristo Pfumu a bisu ve.

Looma 8:4

Nzambi hasidi buuna, mana nde akuhasa mambu moosi ma butsiitsa ma Mikele mili mu utuma bisu. Mambu momaana, maafwana uvangama mu bisu ba laabweveledyata mu matsimi ma imuutu, ka ba lili mu udyata mu Livupu la Ngidi.

Looma 8:9

Ka benu, benu a lili mu udyata hutsina lituma li musunya ve. Benu lili mu udyata mu Livupu la Nzambi, mu toni ati Livupu la Nzambi lili mu benu. Muutu wu avele na Livupu la Kristo, a hali wa nde ve.

Ngalaatiya 3:13

Bu Kristo akituhi iloho hya tsingili ŋa mbuha a bisu, nde ayobili bisu mu tsingili Mikele. Ma baasonehe ma Ngidi mali mu uleele: « Aba wu baasinga, pasi nde wu akwa mu swe ŋa muti.»

Ngalaatiya 3:26

Mu tangu moyiniyi, benu boosi laaka baana ba Nzambi mu imiinu mu Yisu Kristo.

Ngalaatiya 3:28

A husaali na lisobosono ŋa hati li Muyudaayo na Mungeleke ve, ŋa hati li muviha na wu li bunyanga, ŋa hati li mukaasu na bahala. Benu boosi laaka mumosi mu Yisu Kristo.

Ngalaatiya 5:16

Ni mu buuna, me ndi mu undeele bu: Nyahani Livupu libaatuma idiingu hya benu. Tso lisidi buuna, benu alubwesingala tso hole, lituma li mapeyu ma musunya ve.

Ngalaatiya 5:25

Livupu laava bisu monyi. Buuna, livaani lo bunyanga mana lo lituma ndyatili a bisu.

Filiipo 3:9

Me atsiidi buuna, mana bayabiisa me wu akangama mu nde mu butsiitsa bu imiinu mu Kristo. A mu butsitsa bwa me, bu buumata mu Mikele ve. Ka mu imiinu hi hyasiingama mu Kristo, me umba butsitsa. Ni butsiitsa bu buumata huli Nzambi.