Looma 7:4 - Musamu wu Mubwe

⁴ Ni bumosi kaka benu baana ba ngu a me, benu lamiikwa ŋa busu bu Mikele bu lili itwadi na nyutu a Kristo. Ka bunuubu benu laaka ba muutu mukima, nde wuuna wu asuuhi ŋa hati la babaakwa, mana bisu a benu libutaani mbutu yimbwe ŋa busu bwa Nzambi.

Looma 7:4 ပူးပေါင်းရင်းမြစ်များ

Yowani 15:8

Ŋa benu luubuta mbutu yindahi, na ŋa benu luumonehele bayihi ba me, ni ŋaana muyusu a Taata a me humonehele.»

Yowani 3:29

Wu abaha mukadi na? Ni mulumi a nde! Ka mu mukungi makwele, mbaahi mulumi ni wu ubaatsahala ŋa pedu mulumi, na ubaayuhala nde. Nde ubaamono kinya yi ndahi mu uyuha ndaha mulumi. Kinya moyiina ni ya me, na yo yili yi yaakuha.

Yowani 6:51

Me, me ndi lipa la monyi li laakulamana umata hu yulu. Tso muutu diidi lipa moliina, nde sa abaha monyi wu bilima na bilima. Lipa li me upa, ni musunya a me. Me ndi mu upa nde, mana baatu ba tsi babaha monyi.»

Looma 6:11

Ni bumosi kaka mu benu, yabaani ti, benu lili baatu babaakwa mu masumu. Na ti, benu lili kaka monyi mu Nzambi itwadi na Yisu Kristo.

Looma 6:14

Buuna, lisumu a lubweba na matwala mu benu ve. Mu toni ati, benu a lili hutso lituma li Mikele ve, ka hutso a hyese hya Nzambi.

Looma 6:2

Naana ubila ve! Bisu ti laamiikwa mu masumu, ka buni lutwala ubweba monyi mu masumu?

Looma 6:22

Ka bunuubu, bu lika bunyanga ŋa busu bu masumu, na bu lika baviha ba Nzambi, kaluha yi benu luubaha ni idiingu hi hyaluula mu nde, na tsukusu ni monyi wu bilima na bilima.

Looma 7:3

Tso ŋa mulumi a nde akini monyi, nde aba mukadi a bahala likima, nde sa aba mukasu mayamba. Ka tso mulumi a nde kwidi, nde ka bunyanga ŋa busu bu mukele. Na nde uba mukadi a bahala likima, hwavele uba mukasu mayamba.

Looma 7:6

Ka bunuubu, bisu a benu lika bunyanga ŋa busu bu Mikele, mu toni ati, bisu lili we babaakwa ŋa busu bu Mikele mi myakakotese bisu mu buviha. Mana bisu lisalila Nzambi hutso lituma li linyatihi li Livupu. Ka a husaali hutso lituma la tsikulu li mikele mibaasonehe ve.

Looma 8:2

Mu toni ati, mukele a Livupu la Ngidi wu ubaava monyi mu likumbasa la Yisu Kristo, amiiva me bunyanga ŋa busu bu mukele lisumu na lipfu.

Ngalaatiya 3:13

Bu Kristo akituhi iloho hya tsingili ŋa mbuha a bisu, nde ayobili bisu mu tsingili Mikele. Ma baasonehe ma Ngidi mali mu uleele: « Aba wu baasinga, pasi nde wu akwa mu swe ŋa muti.»

Ngalaatiya 5:18

Ka tso Livupu lili mu ubita benu, benu a lili hutso a tumili Mikele ve.

Filiipo 1:11

Benu luuba bisina bi mimbutu mi mavanga mamabwe mu Yisu Kristo, mana baatu boosi bava muyusu huli Nzambi.

Filiipo 4:17

Me a handi mu undeele buuna, mu ubwesaha uyaka bungodu ve. Hi me ndi mu utsaha ni ti, Nzambi asyeme benu mu bungodu bwa benu.

1 Peetelo 2:24

«Nde abiti nde mwakulu masumu ma bisu», mu nyutu a nde ŋa muti. Nde hasiidi buuna, mana bisu liba we baatu babaakwa ŋa busu bu masumu, na ubaha monyi mu ukuhasa butsiitsa. Eeye, basonehe ti: «Ni mu toni a mbuma a nde benu laabeloho.»