Looma 7:24 - Musamu wu Mubwe

²⁴ Me ndi mu lingebe! Na uyobolo me mu linyutu mo liniili, li lili mu ubita me hu lipfu?

Looma 7:24 ပူးပေါင်းရင်းမြစ်များ

Luuka 4:18

«Livupu la Pfumu lili ŋa yulu a me, mu toni ati, Pfumu amiisoolo me mu uyabisa Musamu wu Mubwe huli biyaha. Nde atsindihi me mu uleele huli ba baakangama: “Benu ka bunyanga!” Mu uleele huli binzimana: “Benu lu umono!” Nde atsindihi me mu uyobolo babali mu munyongi,

Looma 6:6

Ni mu buuna, liyabaani ti, imuutu hya bisu a benu hya tsikulu baakomini hyo ŋa muti itwadi na Kristo. Mana itwadi hya bisu na masumu hitabuha, na libwevelebaani baviha ba masumu.

Looma 8:13

Mu toni ati, tso benu lidyati mu manzala ma benu ma imuutu, benu sa likwa. Ka mu likumbasa li Livupu la Ngidi, tso benu lidubi mavanga mamabi ma benu libaasa mu nyutu a benu, benu sa liba monyi.

Looma 8:2

Mu toni ati, mukele a Livupu la Ngidi wu ubaava monyi mu likumbasa la Yisu Kristo, amiiva me bunyanga ŋa busu bu mukele lisumu na lipfu.

Looma 8:23

Ka ndulu a byosi bi Nzambi havanga bili mu ubima ve. Bisu kaka laaka na Livupu la Ngidi, we kabu latsomi li bungodu bu Livupu bu Nzambi hasiidi lahi. Bisu kaka lili mu ubima hutso mitima, tswamina Nzambi akitusa bisu baana ba nde na uva bunyanga mu nyutu a bisu mu mapasi.

Looma 8:26

Bumosi kaka, Livupu la Ngidi libaaya mu ukumbasa bisu, mu toni ati, bisu lili na ikolili. Buuna, bisu a liyaabi usambila we bu hwafwana ve. Ka Livupu lo mwakulu libaasambila Nzambi mu toni a bisu na nzayiini, yi pasi muutu huveletwala uyaabisa.

2 Timoteho 4:18

Pfumu ubiingasa me mu mavanga moosi mamabi. Nde uyobolo me na ukotese me mu Ipfumu hya nde hi mayulu. Muyusu aba huli nde mu bilima na bilima! Ameni!

Tiite 2:14

Nde ayehuli nyutu a nde, mu unyahula mamabi ma bisu moosi. Eye, nde anyahuli mamabi ma bisu, mana nde akitula bisu ibandu hya nde hi hyatsyeme, hi hili na lehemene mu ukuhasa mavanga mamabwe.