Looma 7:23 - Musamu wu Mubwe

²³ Ka me ndi mu umono hutso linyutu la me, tumili kima yi yibaalwanisa tumili yi buyedi bwa me bubaasilasa. Yo yili mu ukitusa me kondaayi mukele lisumu wu li mu me.

Looma 7:23 ပူးပေါင်းရင်းမြစ်များ

Looma 6:13

A liyeholo linyutu la benu mu masumu we bilwanili bi uvanga mamabi ve. Ka yeholwaani nyutu a benu mwakulu huli Nzambi, we baatu ba monyi ba bamiimata hutso lipfu. Na yeholwaani linyutu la benu loosi mu isalu hya Nzambi, we ilwanili hi uvanga mambu ma butsitsa.

Looma 6:19

Me ndi mu unzambila mu imuutu, mana benu litsikaha ma me ndi ndeele. Ni bumosi kaka, benu layehuli binama bya benu mu buviha bu manzala ma bubembo, na bubi bu buli mu ubita muutu mu utuumbaha ŋa busu bwa Nzambi. Ni bumosi kaka, bunuubu,vaani linyutu la benu loosi mu buviha bu mavanga ma butsitsa, mu uba mu idiingu hi bungidi.

Looma 7:14

Eye, bisu liyaabi ti Mikele ubaamata mu Livupu la Nzambi. Ka me, me ndi muutu wu akolo wu baamiisumbasa we muviha mu lisumu.

Looma 7:21

Me miitsikaha bunuubu: ŋa mbuha yi me tondi uvanga mambu ma mabwe, me ubaavanga ndulu mambu ma mabi.

Looma 7:25

Lifutalaani matondo huli Nzambi mu Yisu Kristo Pfumu a bisu! Mu ukuka, mu buyedi bwa a me, me hutsina lituma li Mikele mya Nzambi me ndi, ka mu ikolili hi imuutu hya me, me ndi muviha mukele lisumu.

Looma 7:5

Eye, ŋa bisu laaba hutso lituma li imuutu, manzaala ma mabi ma Mikele myakatuma, maakabaasala mutso linyutu la bisu loosi, mana bisu lisala bisalu bi byubita bisu hu lipfu.

Looma 8:2

Mu toni ati, mukele a Livupu la Ngidi wu ubaava monyi mu likumbasa la Yisu Kristo, amiiva me bunyanga ŋa busu bu mukele lisumu na lipfu.

Ngalaatiya 5:17

Mu toni ati musunya na mapeyu ma maakakana na ma Livupu; na Livupu kaka lili mapeyu ma maakakana na ma musunya. Bo baboole bali mu ulwana. Ni mu buuna, benu libaaveletwala usa libwe li benu litondi usa.

Yaki 3:2

Bisu boosi libaadunga hu ulahi. Tso muutu velidunga mu biyambilili, nde li muutu wu akuha, wu ubaatwala ukuta linyutu la nde loosi.

Yaki 4:1

Midingu na iboho bya benu, huni bili mu umata? Byo bili mu umata mu manzala ma benu ma nyinga, ma mali mu ulwana pasi tangu, mutso mitima mya benu.

1 Peetelo 2:11

Bambaahi ba me ba litondo, benu lili bapyohi-nzila na byenyi ŋa toto moyiniyi. Ni mu buuna, me ndi mu upondo benu dyambu limosi: siisaani mapeyu ma musunya. Mapeyu momaana mubaalwanisa idiingu hya benu.