Looma 7:18 - Musamu wu Mubwe

¹⁸ Ka me nzaabi ti, mambu ma mabwe mali mu imuutu hya me hi hyaakolo hiniihi. Eye, me na nzala uvanga mambu ma mabwe, ka me a handi na mifudi mi ukuhasa mo ve.

Looma 7:18 ပူးပေါင်းရင်းမြစ်များ

Luuka 11:13

Ni mu buuna, tso benu ba lili banga bubi, benu li yaabi uva baana ba benu bisiha bibibwe. Tandisini a Taata wa hu yulu, buni nde hu uveleva Livupu la Ngidi huli boosi ba bali mu uvondo nde lo!»

Yowani 3:6

Hi himiibutama mu musunya hili musunya, na hi himiibutama mu Livupu hili Livupu.

Looma 13:14

Lwataani mbiili a Pfumu Yisu Kristo. A liduukala mbiili yi imuutu, mu uywatisa mapeyu ma nde ma mabi ve.

Looma 7:15

Me a humbaatsikaha ma me ndi mu upanga ve. Mambu ma me umbaatondo, me a mbaatsalila mo ve, ka mambu ma me ambele, ni maana ma me umbaapanga.

Looma 7:19

Eye, me a hambaapanga mambu ma mabwe ma me umbaatondo ve, ka me umbaapanga mambu ma mabi ma me apeletondo.

Looma 7:25

Lifutalaani matondo huli Nzambi mu Yisu Kristo Pfumu a bisu! Mu ukuka, mu buyedi bwa a me, me hutsina lituma li Mikele mya Nzambi me ndi, ka mu ikolili hi imuutu hya me, me ndi muviha mukele lisumu.

Looma 7:5

Eye, ŋa bisu laaba hutso lituma li imuutu, manzaala ma mabi ma Mikele myakatuma, maakabaasala mutso linyutu la bisu loosi, mana bisu lisala bisalu bi byubita bisu hu lipfu.

Ngalaatiya 5:17

Mu toni ati musunya na mapeyu ma maakakana na ma Livupu; na Livupu kaka lili mapeyu ma maakakana na ma musunya. Bo baboole bali mu ulwana. Ni mu buuna, benu libaaveletwala usa libwe li benu litondi usa.

Ngalaatiya 5:24

Ka boosi ba bali mu Yisu Kristo baamiiduba linyutu la bo li masumu, na mapeyu na manzala ma lo.

Filiipo 2:13

Ka ni Nzambi li mu uva benu matwala ma ukana na uvangimasa mambu, we bu hu li litondo la nde.

Filiipo 3:12

Me a handi mu undeele ve ti me amiinzaka musyendo, buve ti me amiito mu itesi hya muutu wu akuha. Me ndi mu ukwaada mu tiinu, mana me mbaha musyendo mowuuna. Mu toni ati, Yisu Kristo nde mwakulu amiibuuna me.

Tiite 3:3

Mu tonyi ati, bisu ka hu mbandu, laaba biyahudi, banga kene ŋa busu bwa Nzambi na ba baadunga. Bisu aba baviha ba linyungi na makinya ma toto moosi. Idiingu hya bisu aba hutso bukanyi na linyungi. Bisu laakabelele bana na laakabelesene bisu mo na bisu mo.

1 Peetelo 4:2

Mu tangu yi yimiisaala benu ŋa toto, a hwafwana ti benu libaadyata we bu huli mapeyu ma musunya ve, ka dyataani we bu huli litondo la Nzambi.